Jennifer Lynn Lopez, mejo conosesta cofà Jennifer Lopez o co'l soranome de J.Lo (New York, 24 łujo 1969), ła ze na cantante, atora, bałarina, inprenditora, showgirl, produtora discogràfega e produtora sinematogràfega statunitense. De orizene portoregane, ła ze una intrà łe mazore esponenti de'l pop łatin comersiałi, ła pì rica tra i łatin-mericani inte l'anbiente hollywoodian segondo Forbes, e ła pì influente atora ispànega d'America segondo ła łista dei "100 ispàneghi pì influenti" de ła revista People in Español.
Da'l 1999, Jennifer Lopez ła ga zlansà dieze àlbun, pì volte prezenti a l'interno de ła clasifega de ła Billboard 200Billboard.com - Discography - Jennifer Lopez - On the 6Jennifer Lopez news, music videos, pictures and albums - AOL Music . Ła ga vinsesto l'American Music Award for Favorite Pop/Rock Female Artist del 2003AmIAnnoying.com - American Music Award for Favorite Pop/Rock Female Artist e American Music Award for Favorite Latin Artist del 2007 Taylor's Entertainment News: The Winners at the American Music Awards 2007. Ła ze conparìa in numarozi film, e ła ga vinto l'ALMA Award inte el 1998 e inte'l 1999. Ła ze stà ła prima a publegar un film (Prima o poi mi sposo) e un album (J. Lo) inte'l ziro de na soła setemana portandołi tuti do a'l nùmaro 1 de łe clasifeghe muzegałe e sinematografeghe. Ła condivide 'sto record soło co Barbra Streisand e Whitney HoustonJennifer Lopez - Corriere della SeraJennifer Lopez | MYmovies. Inte l'avril del 2011, a scuazi 42 ani, ła ze stà nominà "ła dona pì beła del mondo" da'l magazine merican People. Ła ga vendesto sìrca 80 miłion de dischi inte ła só carièraJennifer Lopez Net Worth 2022 Jennifer Lopez Biografia e ła stima de'l só patrimonio ła ze de sìrca 400 miłion de dołariIn Pictures: The Richest 20 Women In Entertainment - Forbes.comThe Sydney Morning Herald: national, world, business, entertainment, sport and technology news from Australia's leading newspaper.
Inte'l 2000 grasie a'l só abito dezenjà da Donatella Versace (deventà drìoman el séłebre Vestito verde Versace de Jennifer Lopez) prezentà a ła serada dei Grammy Award nase Google Immagini, deventando cuindi uno de i abiti pì discusi inte ła storia de'l tapeo roso. Ła sera de'l 7 novenbre 2011 ła ga resevùo da Donatella Versace el premio Woman of the Year inte el corso de ła serada a ła Carnegie Hall de New York che selebra onji ano el corajo de łe done che canbia el mond co łe só idee e el só inpenjo. Inte'l 2012 ła vien ełezesta Sełebrità pì potente de'l mondo da Forbes. Inte'l 2013 ghe vien asenjada ła stèła nùmaro 2500 so ła Hollywood Walk of Fame de Los Angeles e inte'l 2014 ła ze ła prima dona inte ła storia a resever el premio Icon Award a i Billboard Music Awards. Inte ła só cariera ła ga cołesionà 4 sìngołi a łe pozision nº 1 e 10 de ła Top 10 de ła Billboard Hot 100. Inte'l 2018 durante i MTV Video Music Awards 2018 ghe vien conferìo el premio a ła cariera Michael Jackson Video Vanguard Award.
Durante ła só cariera ła ga resevesto 2 nominations a i Golden Globe e 2 nominations a i Grammy Award. Biografia thumb|left|Castle Hill Avenue, a Castle Hill, indove che ze nasesta Jennifer Lopez Ła ze nasùa el 24 de łujo 1969 da na fameja de orizene spanjołe e nadive portoreganeJennifer Lopez | MYmovies a Castle Hill, un cuartier de New York in cui ghe ze na alta consentrasion de portoregani e afromeregani, co taso de criminałità pìtosto ełevà. I zenidori, David Lopez e Guadalupe Rodríguez, i se ga trasferìo da l'izoła caraìbega in serca de fortuna. Par 'sto motivo Jennifer ła ze riusìa ad inparar fin da puteła do łengue, l'ingleze e el spanjoło. Ła ga do sorełe: Lynda e Leslie. Só pare David el ga łaorà cofà vardian noturno a ła Guardian Insurance Company, vanti de deventar un tècnego de computer, e só mare Guadalupe ła zera na cazałìna. Co Jennifer ła ze nasesta, ła fameja ła viveva in un picoło partamento, ma ła ze riusìa ad acuistarghene uno a do piani un paro de ani drìo, concludendo un acuisto che pareva ezajerà par na fameja rełativamente pòvara cofà cueła de i Lopez.
Jennifer gaveva ciapà łesion de canto e de dansa sin da l'età de 5 ani. Ła ga frecuentà de łe scołe catòłeghe e in partegołar ła Preston High School, na scoła par sołe toze inte el Bronx. A l'età de 18 ani ła ga łasà ła caza e se ga mantenjesto da só posta, pagandose łe lesion de canto e de bało. Dopo aver frecuentà el Baruch College par un semestre, ła ga dividesto el só tenpo tra na ocupasion in un studio łegałe, scołe de dansa e tra performance de bało inte i night club de Manhattan. Dopo mezi de audision, Jennifer ła zera stà sełesionà come bałarina par vari video rap, un epizodio de Yo! MTV Raps (1990), e come bałarina de rizerva par i New Kids on the Block par ła só performance de ła canson "Games" par l'American Music Awards inte el 1991. Poco pì tardi, ła ze devenjesta bałarina de rizerva par Janet Jackson e ła ga fazesto na aparision inte'l só video de'l 1993 That's the Way Love GoesJanet Jackson - That's the way love goes - YouTube.
Cariera Tełevizion Dopo un tour in Japon, ła ga ezordìo so'l picoło schermo inte'l 1990 co ła sit-com In Living Color, inte ła cuała ła interpretava ła parte de ła Hip-Hop GirlFly Girls & Double XX Posse - YouTube. Par continuar a far parte de'l cast, ła ze ndà a Los Angeles insieme a'l só primo morozo, David Cruz. Ła ga partesipà a'l programa tełevizivo fin a'l 1991, inisiando inte'l fratenpo a ciapar łesion de resitasion.
Ła ze stà notà grasie a un spesiałe so'l drìo łe cuinte de In Living Color e ła ga fazesto un provin par South Central, tełefilm che'l ga avùo vita curta; propio mentre na rede tełeviziva inportante ła gavarìa posùo prołongar 'sta serie, A ghe ze stà ofrìo un contrato domeché a ła Lopez, par interpretar Melinda Lopez inte ła serie tv Second Chances. Ła prima serie de'l tełefilm ła ga avesto un discreto suceso: A zera el 1993, ano inte'l cuało Jennifer ła apariva anca inte'l par ła tv Nurses On The Line: The Crash Of Flight 7, mejo conosùo come Lost In The Wild. El suceso de'l só parsonazo in Second Chances el ga spenzesto i produtori a crear un spin-off de'l tełefilm e inte'l 1994 A ze ndà in programasion Hotel Malibu.
Tra el 2004 e'l 2005, ła ze stà ła guest star de tre epizodi de ła sit-com Will & Grace.
Inte'l magio de'l 2006, ła xze stada ła produtora ezecutiva de'l reality show conponesto da oto epizodi, DanceLife, trazmetesto da MTV, da'l 15 de zenaro de'l 2007. L'atora ła ga cołaborà a ła sełesion dei partesipanti de'l spetacoło e ła ga fato algune aparision inte'l programa.
Inte'l 2007 ła ze stada produtora ezecutiva de na miniserie trazmetesta so Univisión, intitołada Como ama una mujer, trazmetesta in sincue epizodi da'l 30 de otobre a'l 27 de novenbre 2007, co i atori Christian Borrero e Adriana Cruz. Inte l'isteso parìodo ła ga firmà un contrato come star e produtora de un reality par TLC.
Ła ze stà anca inpenjada inte'l reality show merican American Idol, andove che ła ga fazesto ła só prima aparision come mentore el 10 de apriłe de'l 2007. Drioman ła ze entrada a far parte de ła zurìa par łe edision de'l 2010, 2011 e 2014.
Inte'l 2010 ła ze aparìa come guest star in un epizodio de ła serie tełeviziva How I Met Your Mother, inte el roło de ła scritora Anita.
Inte'l 2013 ła ga produzesto ła serie tv The Fosters, a temàdega LGBT, che'l ga debutà so ła rede tełeviziva mericana ABC Family.
Inte'l 2016 ła ze protagonista de ła serie TV połisiesca de ła NBC Shades of Blue che ła vede come protagonista anca inte ła segonda stajon inte'l 2017 e renovada par na tersa stajon che ła ndarà in onda inte'l 2018 grasie ai alti ascolti otenjesti.
Sinema thumb|left|Jennifer Lopez a i MTV Video Music Awards 2004|399x399px Inte el 1994 ła ga resità in My family, un film indipendente direto da Gregory Nava e anbientà inte i ani vinti, in cui ła ga avesto ła parte de Maria Sanchez; el film el ga avesto suceso inte ła comunidà ispànega e ła ga otenjesto varie nomination, de cui una a i OscarMy Family (1995) - IMDb, e ła Lopez ga avùo na nomination a i Independent Spirit Awards come mejo atora ezordiente inte'l 1996Independent Spirit Awards (1996) . El steso ano ła ga resità a'l fianco de Wesley Snipes e Woody Harrelson inte'l połisiesco Money Train, el só primo film ad alto budget. Anca in 'sto film ła ga interpretà na dona łatin-mericana ma, a difarensa de ła prima, inte ła cuała ła revestiva i pani de na mesegana, cui ła jera Grace Santiago, na dona portoregana de'l Bronx.
Inte'l 1996 Francis Ford Coppola ła ga vołesta in Jack inte i pani de na mestra de scoła ełementar. Inte'l film ła ga resità a'l fianco de Robin Williams.
Inte'l 1997 ła ga resità in Blood and Wine de Bob Rafelson, al fianco de Jack Nicholson, Stephen Dorff e Michael Caine, interpretando oncora un personazo łatin-merican, Gabriela, conosùa come Gabi, de orìzeni cubane.
Ła zvolta inte ła só cariera ła ze stà costituìa da ła partesipasion a'l film Selena, so ła vita de ła cantante Selena Quintanilla Pérez, copada a 23 ani. Direto da Gregory Nava, el film el ze stà un suceso a'l boteghinThe Numbers box office data. Last accessed: 9 gennaio 2008.Box Office Mojo box office data. Last accessed: 9 gennaio 2008. e'l ga resevesto varie nomination, tra cui cueła de ła Lopez ai Golden Globe come mejo atora protagonistaSelena (film 1997) - Movieplayer.it.
Inte'l sucesivo film d'aventura-horror Anaconda ła Lopez ła ga interpretà Terri Flores, rezista de un grupo de cineasti che'l gera drìo reałizar un documentario in Amasonia. Inte'l steso ano ła vien direta da Oliver Stone, inte'l thriller U Turn, indove ła Lopez, inpersonando l'indiana Grace McKenna, par ła prima volta inte ła só cariera ła ga interpretà un personazo non łatin-merican.
Inte el 1998 ła ze stada Karen Sisco, inte'l połisiesco Out of Sight a'l fianco de George Clooney. Inte el steso ła ga partesipà co ła só voze, a'l film-anemasion Z la formica, dopiando ła formìga operaia AztecaZ LA FORMICA [ Recensione ] - Animation Italy - Cinema d'animazione e fantastico in Italia.
Dapò un ano de pauza so i schermi sinematogràfeghi ła ze toranda co The Cell - La cellula, un thriller psicołòzego de Tarsem Singh co Vince Vaughn, inte i pani de ła psicoterapeuta Catherine Deane. Inte'l 2001 ła ga resità in altri do film: ła comedia romàntega Prima o poi mi sposo e el połisiesco romàntego Angel Eyes - Occhi d'angelo co Jim Caviezel.
Inte'l 2002 ła ze stada protagonista de'l thriller Via dall'incubo.
Inte'l 2003 ła ga resità in Un amore a 5 stelle e Amore estremo - Tough Love e inte'l 2004 Jersey Girl e Shall We Dance?.
Inte'l 2005 ła ze stada protagonista de do film, el primo insenbre a Jane Fonda in Quel mostro di suocera e el segondo a'l fianco de Morgan Freeman e Robert Redford in Il vento del perdono.
Do film produzesti da Jennifer i ga catà spasio inte i film festival: Bordertown (2006) a'l film festival de Bruxelles e El Cantante (2007) a'l Festival internasionałe del film de Toronto. In 'st'ùltemo film l'atora ła ga cołaborà co'l marìo cantante-ator Marc Anthony. El film el ze in ingleze, co un uzo de sototitołi par łe canson co testi spanjołi.
Ła Lopez inte'l 2010 ła ze stà inpenjà co'l film Piacere, sono un po' incinta na comedia romàntega a'l fianco de l'ator Alex O'Loughlin.
A l'inisio del 2012 ła ga resità inte'l film intitołà Che cosa aspettarsi quando si aspetta, a'l fianco de Cameron Diaz. Ancora inte'l 2012 ła ze tornada a'l dopiagio, prestando ła voze a ła tigre Shira inte'l film d'anemasion L'era glaciale 4 - Continenti alla deriva.
Inte'l 2013 ła ga resità inte'l film Parker a'l fianco de Jason Statham. Inte'l meze de zunjo , durante na intervista radiofònega ła ga declarà de aver acetà na parte par un film intitołà The 33 a'l fianco de Antonio Banderas, ma drioman ła ga abandonà el set a càuza de disapori co ła produsion.