Kraft Heinz ła xe ła cuinta multinasionałe al mondo del setor ałimentar e de łe bevande (ła segonda par ordende de grandesa inte el Nord America), rexultado de ła fuxion avegnesta inte el 2015 tra Kraft Foods e H. J. Heinz Company. Ła sede ła xe a Chicago a l'Aon Center co ulteriori ufici a Pittsburgh.
Ła società ła xe cuotada a ła Borsa de New York (NASDAQ). Ła multinasionałe ła xestise pì de 25 marche tra cui Kraft, Heinz, Planters, Grey Poupon, Oscar Mayer e ła xe conosesta in Itałia anca par łe marche Plasmon, Planters, Biaglut, Aproten, Cuore di Natura, Dieterba e Nipiol.
Storia Ła fuxion de Kraft Foods e HJ Heinz, decidesta a l'inisio del 2015, ła xe conpletada inte el łujo del steso ano co ła nomena a ła presidensa de Alex Behring, managing partner de 3G Capital, el fondo de investimento che sta dadrìo a sta maxi-fuxion da 49 miliardi de dołari e che fa cao al finansier braxiłian Jorge Paulo Lemann, e a cueła de aministrador dełegà de Bernardo Hess, anca łu partner de 3G Capital e xa a ła guida de Heinz. A John Cahill, CEO di Kraft, el ròło de presidente xontà. Tra gli azionisti che hanno partecipato con 3G Capital all'acquisizione di Kraft Heinz figura anche Warren Buffett.
Drìo ła fuxion, el novo aministrador dełegà Bernardo Hees ga sevità na stratexia de redusion dei costi de forte inpato: el ga domandà un tajo anuo de costi de 1,5 miliardi de dołari, so vari setori, colpindo in partegołar łe spexe par i dipendenti. Ad agosto 2015 el personałe xe stà reduxesto del 5% co 2.500 łicensiamenti. Inte el novenbre del steso ano xe stà serai alcuni stabiłimenti ritegnùi no stratexeghi, co ła sopresion de 2.600 posti de łaoro.
El 17 de febraro 2017 Kraft Heinz Co. ga vansà ła proposta, del vałor 143 miliardi de dołari, par riłevar ła multinasionałe anglo-olandexe Unilever, un concorente segnifegativamente pì grando de Kraft Heinz, co 126.000 dipendenti in più e un faturà maxor de 24 miliardi de sterline. Unilever ga rifiutà ła proposta, el projeto de acuixision xe stà drìoman abanondà poco dopo che el primo ministro britanego Theresa May gaveva ordenà un exame so l'inisiativa. Inte el 2018 Kraft Heinz slansa Springboard Brands, un business focałixà so ła cresita de marche ałimentare biodegradabiłe, naturałe e "super premium". Inte el 2018 Kraft Heinz ocupa el 114º posto inte ła łista Fortune 500 de łe maxori inprexe dei Stati Unii in baxe ai recàvi.
Notasion
Categoria:Aziende alimentari