Alessia Merz (Trento, 24 de setenbre 1974) ła ze na showgirl, condutora tełeviziva e atora itałiana. Ła ze sta anca modeła e interprete de fotoromanzi.
Dopo aver debutà co suceso a Non è la Rai, ła ze stà sielta da Antonio Ricci come vełina par ła stajon 1995-1996 de Striscia la notizia insenbre a Cristina Quaranta. Drioman ła se ga simentà cofà atora in film e fiction tełevizive e come condutora tełeviziva.
Biografia Ani novanta: Non ze la Rai e el suceso tełevizivo Ła ga ezordìo fazendo parte de'l cast de ła segonda edision de Non ze la Rai, indove ła restarà fin a cuando che ga serà el programa inte'l zunjo de'l 1995, rezultando una de łe toze pì apresàe par tre edision. Durante i ani de permanensa inte'l programa, ła ciapa parte a do spin-off de'l steso: Capodanno con Canale 5 e Rock 'n' Roll. Finìa l'esperiensa de Non ze la Rai, ła vien ciamà da Antonio Ricci par partesipar in cuałità de vełina a'l programa de Canale 5 Striscia la notizia, a'l fianco de Cristina Quaranta, anca eła provenjente da'l programa de Gianni Boncompagni. Inte'l steso parìodo, tra el 1995 e el 1997, ła partesipa a diverse canpanje publisitarie in Itałia e a l'èstaro: Guess? par i Stati Unii, Barilla par l'Europa e Renault par l'Italia.
Notasion
Categoria:Condutori tełevixivi itałiani Categoria:Nasesti inte el 1974