Andrea Barbato, (Roma, 7 de marso, 1934 – Roma, 12 de febraro, 1996) el xe stà un zornałista, scritor, połitego e senegiador itałian.
Biografia Barbato el ga scominsià l'atività zornałistega in zòvane età: a 22 ani el ze entrà a ła BBC, tołendo po' ad alternar cołaborasion co tełevizion e carta stanpada; el ga łaorà a il Messaggero, L'Espresso e Il Dì, anca cofà inviato speciałe in Àfrega ed Estremo Oriente.
Entrà in RAI "in cuota" par el Partio Sociałista Itałian (aderindo in partegołar a ła corente de Riccardo Lombardi), inte'l 1968 el ze stà incargà de condùzer ła neo-istituìa edision de mezojorno de'l Tełezornałe; parałełamente el ga reałizà serti servisi par el setemanałe Tv7.
Inte'l 1966 ła tełevizion de stato itałiana ła ga creà un segondo canałe e ła ghe ga afidà a Barbato ła condusion de'l rełativo notisiario, che oncora no'l zera stà instituìo cofà testata autonoma ma el jera na direta emanasion de ła redasion de'l Programa Nasionałe.
Inte ła note tra el 20 e el 21 de łujo 1969 el ze stà el condutor "coordinator" de l'edision straordenaria de'l Tełezornałe che'l ga seguìo in direta el primo sbarco uman so ła Łuna.
Inte'l 1971 el ga tacà cołaborar co La Stampa e drioman el ze devenjesto vise-diretor de la Repubblica.Principianti assoluti e grandi firme tutto iniziò così - Repubblica.it » Ricerca Inte'l 1976 el ga curà ła senejadura de'l film L'invenzione di Morel; el xe stà anca nomenà diretor del TG2Rainews24 | È morta Ilda Bartoloni, inviata del Tg3. Una vita dalla parte delle donne e de Paese Sera da'l 1982 a'l 1983.
Inte'l 1983 el ze venjesto ełezùo a ła Càmara dei deputài cofà independente inte łe łiste de'l Partio Comunista Itałian par ła IX Łezisladura; a Montesitorio el ga aderìo parò a'l grupo parlamentar de ła Sànca Independente.
Finìo el mandà, inte'l 1987 el ze rientrà in RAI e el ga riprendesto ła só atività "in video", łaorando soratuto so Rai 3: tra i altri el ga reałizà i programi Cartolina (1989-1994), Italiani, Fluff, processo alla TV e Va' pensiero.Rai Teche | Storia Rai | Varietà Inte'l 1991 el ga senejà el film Una storia semplice.
El ze stà anca autor teatrałe e tełevizivo (inte el 1967 CaravaggioRai Teche | Storia Rai | Sceneggiati - Fiction ) e el ga scrivesto artanti łibri. El ze stà spozà in segonde nose co l'atora Ivana Monti, da ła cuała el ga avùo el fioło Tommaso nasùo inte'l 1989. L'altro só fioło, Nicola, el jera nasesto da'l presedente matrimonio. El ze moristo el 12 de febraro 1996 a'l Policlinico Umberto I de Roma, daspò conplegasion sucesive a un intarvento chirurzego a cui el jera stà soponesto dieze dì prima par na malformasion a l'aorta adominałe. El repoza a'l simitero de'l Verano.
Vita privada L'è stà spozà in segonde nose co l'atora Ivana Monti, da ła cuała el ga avesto el fio Tommaso inte'l 1989. L'altro só figlio, Nicola, el zera nasùo da'l presedente matrimonio.
Òpare L'elezione di Leone, co Sergio Milani, Roma, Napoleone, 1972. Nomi e cognomi. Appunti su personaggi della cronaca e della pułìtega, Torino, Stampatori, 1978. A sinistra nella foto, Milano, Rizzoli, 1987. ISBN 88-17-66040-X. Lettere aperte, Roma, Armando, 1989. ISBN 88-7144-031-5. Cartoline, Milano, Sperling & Kupfer, 1990. ISBN 88-200-1099-2. Altre cartoline, Milano, Nuova ERI-Sperling & Kupfer, 1992. ISBN 88-200-1460-2. Come si manipola l'informazione. Il maccartismo e il ruolo dei media, Roma, Editori Riuniti, 1996. ISBN 88-359-4069-9.
Filmografia Sojetista Gott mit uns, Italia, 1969, regia de Giuliano Montaldo
Senejador Una storia semplice, Italia, 1991, regia de Emidio Greco L'invenzione di Morel, Italia, 1974, regia de Emidio Greco Chung Kuo, Cina, Italia, 1972, regia di Michelangelo Antonioni Fai in fretta ad uccidermi... ho freddo!, Italia/Francia, 1967, regia deFrancesco Maselli
Notasion
Altri projeti
Linganbi foresti
Categoria:Pułìteghi itałiani Barbato, Andrea Barbato, Andrea Barbato, Andrea