Enzo Gragnaniello, (Napułi, 20 de otobre 1954) el ze un cantaudor e ghitarista itałian.

Durante ła so cariera, par i só àlbun, el ga avùo numarozi reconosimenti da parte de'l Club Tenco.

Biografia

El ga frecuentà łe scołe ełementari a l'istituto Oberdan, indove el ga avesto come conpanjo de clase Pino Daniele.Inte'l 1977, insieme a Gennaro De Rosa, Lorenzo Piombo, Roberto Porciello, Francesca Veglione, el forma el grupo muzegałe "Banchi Nuovi", nome łigà al comitato dei Dizocupai Organizai, di cui fazeva parte el steso Gragnaniello. Cui el canta łe prime canson (autori Piombo e Porciello), tra cui el só cavało de bataja "O scippatore".

Anni '80 e '90

Enzo fonda 'sto grupo al fin de avisinarse, sia pur co łe dovùe difarense, a ła rescoverta de łe raìze popołare de ła muzega e de ła canson napułetana. 'Sta prima esperiensa de mùzega inpenjà ła porta Enzo a partesipar, inte'l 1976, a un inportante Festival a Berlino dedegà a łe tradision popołare, e drioman a publegar i só primi àlbun: “Enzo Gragnaniello” de'l 1983, e “Salita Trinità degli Spagnoli” de'l 1985 el cui titoło el se ispira a'l nome de ła via de Napułi indove Enzo oncora a'l dì d'ancò el vive, inte i Cuartieri Spanjołi. Inte'l 1986 el vinse ła Targa Tenco, reconosimento che'l otenjarà anca inte'l 1990, inte'l 1999 e inte'l 2019. Inte'l 1991 el scrive Sta musica, brano che el vecio mestro Murolo el canta insenbre a Consiglia Licciardi inte l'àlbun Na Voce 'na Chitarra e che otien un discreto suceso. Inte'l 1992 el scrive Cu'mme, gran suceso interpretà da Roberto Murolo e Mia Martini.

Anni 2000 Inte'l 2000 el ze inte'l de Aitanic, film de Nino D'Angelo, in cui el interpreta ła parte de un tasista. Inazonta el ga scrivesto e cantà insenbre a La Famiglia serti brani, cofà Suonn', sott' e 'ngopp, Odissea e O mare e tu, scrivesta par Andrea Bocelli.

Inte'l 2001 Enzo publega Balìa, l’àlbun prezentà in tournée in tuta Itałia e a l’estaro, el ze publegà so eticheta Multivision Entertainment e distribuio da Epic-Sony Music. Inte'l majo 2007 el torna prezentarse darecao, trionfando, a Viva Napoli. El 23 de febraro 2008 el ga partesipà a'l conserto/manifestasion Munnezza Day a Napoli a Piazza Dante, e a'l tèrmeno de ła só ezibision el ga cantà Cu' mme, susitando granda comosion inte i napułitani prezenti. El 4 de novenbre 2009 el partesipa a'l spetacoło Omaggio a Sergio Bruni, stretamente łigà a'l Premio Villaricca Sergio Bruni, dotando in cubia co Mario Trevi ła canson IndifferentementeYouTube - MARIO TREVI e ENZO GRAGNANIELLO, Indifferentemente (Premio Villaricca Sergio Bruni, 4/11/2009).

Anni 2010

Inte el 2010 el ga resevùo el premio Artistego Culturałe e Muzegałe ''Armando Gill'' (Michele Testa) parchè come el cantaudor napułitan de inìsio novesento Gragnaniello el ga fazesto de l'estenporaneità e de ła reserca poètega popołar el só cavało de bataja, el premio ghe ze stà consenjà inte ła serada de Gala tenjesta a Grottolella in provinsa de Avellino. Inte'l 2011 vien fora Radice, el projeto de Gragnaniello, che el ga vołesto aranzar personalmente tuti i brani, ze stà condividesto muzegalmente co i Sud Express, na formasion nova anca se conponesta da muzeghisti cofà Franco Del Prete (bateria), Piero Gallo (mandołin e ghitare) e Francesco Iadicicco (baso), co'l contribudo spesiałe de Erasmo Petringa, che'l ga sonà el viołonsèło inte'l brano Indifferentemente. Inte'l 2015 el reseve a'l DiscoDays - Fiera del Disco e della Musica el Premio DiscoDays. Discografia

Album 1983 - Enzo Gragnaniello (DDD, 25738) 1985 - Salita Trinità degli Spagnoli (DDD, 26459) 1990 - Fujente 1992 - Veleno, mare e ammore 1993 - Un mondo che non c'è 1994 - Cercando il sole 1996 - Continuerò 1997 - Posteggiatore abusivo 1998 - Neapolis mantra 1999 - Oltre gli alberi 1999 - Dai Quartieri al S.Carlo 2001 - Balìa 2003 - Tribù e passione (con James Senese) 2005 - Quanto mi costa 2007 - Erba cattiva 2011 - Radice 2013 - Live 2015 - Misteriosamente 2019 - Lo chiamavano vient' 'e terra

Racolte 1993 - Canzoni di rabbia, canzoni d'amore 2003 - The Best of Enzo Gragnaniello

Dopiajo Gatta Cenerentola, regia de Alessandro Rak, Ivan Cappiello, Marino Guarnieri, Dario Sansone (2017)

Premi

1986 - Targa Tenco, par el mejo album in diałeto (Giacomino) 1990 - Targa Tenco, par el mejo album in diałeto (Fuijente) 1999 - Targa Tenco, par el mejo album in diałeto (Oltre gli alberi) 2010 - Premio Artistego Culturałe e Muzegałe ''Armando Gill'' 2015 - Premio DiscoDays 2019 - Targa Tenco, par el mejo album in diałeto (Lo chiamavano Vient’ ‘e Terra)

Notasion

Altri projeti

Linganbi foresti

Categoria:Cantanti itałiani Categoria:Nasesti inte el 1954