L'Ufiso del censimento dei Stati Unii d'Amèrica (in ingleza: United States Census Bureau), el ze un'ajensia del departemento del comerso dei Stati Unii d'Amèrica che el se òcupa dei censimenti (ordenai da ła Costitusion ogni dieze ani), in modo da poder determenare el nùmaro de deputai inte el Congreso par ogni stato. El ze anca incargà de tor su statìsteghe revardo a ła nasion, ai so abitanti e a l'economia.
L'istitusion del Census Bureau ła ze codifegada inte el Tìtolo 13 del United States Code.
Storia Dal 1903, l'organo de censimento ufisale del goerno dei Stati Unii el ze senpre sta el Bureau of the Census. El Bureau el ze comandà da un diretore, asistio da un vicediretore e un staff ezecutivo conponesto dai diretori asociai.
Strutura El cuartiero zenerale del Census Bureau el ze al 4700 de Silver Hill Road, Suitland (Maryland).
El Bureau el ga 12 ufisi rejonali (Atlanta, Dallas, Los Angeles, Boston, Denver, New York, Charlotte, Detroit, Filadelfia, Chicago, Kansas City e Seattle), co sentri de elaborasion suplementari organizai tenporaneamente par i censimenti desenali.
L'ùgnoło fin dei censimenti e dei studi el ze cheło de ciapare informasion statìsteghe zenerali. Le resposte łe ze fornie da individui e istitusion solché par parmétaer ła conpilasion de sto zènere de statìsteghe. La riservatesa dei dati fornii ła ze tanto inportante: par leje, nisun, gnanca el sensor o calsiasi altro inpiegà del Census Bureau, el ga el parmeso de rivelar informasion identificàbiłi revardo calsiasi persona, nùcleo famejare o atività commerciale.
Rejoni de sensimento
El departemento el divide i Stati Unii in cuatro rejon de censimento, che łe ze oncorpì divideste in nove divizion
Rejon 1 (Nord - Est) Division 1 (Nova Inghiltera) Divizion 2 (Stati del Mèdio Atlàntego) Rejon 2 (Stati Unii d'Amèrica mèdio-osidentałi) Divizion 3 (Nord Est Sentrałe) Divizion 4 (Nord Ovest Sentrałe) Rejon 3 (Sud) Division 5 (Sud Atlàntego) Divizion 6 (Sud-orientale sentrali) Divizion 7 (Stati Unii sud-osidentałi sentrali) Rejone 4 (Ovest) Divizion 8 (Rejon de łe Montagne) Divizon 9 (West Coast)
Notasion
Altri projeti
Linganbi foresti
Categoria:Istituti de statistega Categoria:Rejon dei Stati Unii d'Amèrica Categoria:Istitusion dei Stati Unii d'Amèrica