La ceza de San Liberałe el ze un liogo de culto catòlego ubegà a Pedeserva, frasion del comun de Bełun.
Ła sorze so de na cołineta a sirca 510 m s.l.m., domenando da nord el caołogo e ła Valbełuna. Ła rientra inte ła paròchia de Sargnan e ła ze oncora a volte doparada par łe funsion rełijoze.
Istòrego No-ostante łe prime notìsie łe sìpia racuanto tarde (1578), San Liberale el ga seguramente orìzeni belché pì antighe, antesedenti a l'ano Miłe. In orìzene ła zera in memòria de san Daniełe profeta, za titolare de l'altare majore.
Descrision Se parla de un picenin edifegà co pianta a croze latina, fiancà da ła sagrestia del sincue-sento. L'intònago de łe pareti esterne el se ga in parte destacà, metindo desnudo ła strutura murària a fiłareto.
De intarese ła coertura, costituita da na partegołare strutura in legno cueerta da lastre in piera calcàrea. L'abside ła sorałevada e soto el presbitèrio ła se desviłupa na cripta anułare a ła cuała se ghe fa ingreso co streto coridòio.
Le òpare conservae łe ze parte de vàrie èpoche stòreghe. Le pì antighe łe ze un sarcòfago e dei tocheti de pluteo del perìodo medievałe, co trase de un siclo de freschi cuatrozenteschi; decorasion e freschi sincuezenteschi e un altare in legno de prejo del XVII secolo.
Le pertinense esteriore de ła ceza łe ze delimitae da un muro a seco a sostegno de un dùplego terasamento. El spàsio el zera un tenpo doparà cofà simitero.
Notasion
Altri projeti
Linganbi foresti
Liberałe Categoria:Architetura in Vèneto Liberale