Le łéngue sinotibetane (汉藏语系) łe ze una de łe prinsipałi fameje linguìsteghe del continente aziatego, dal cual łe deriva racuante intrà łe pì inportanti łéngue parlae inte l'àzia e inte el mondo, cofà el cinezo moderno stànddar e dei diałeti prestijozi cofà el cantoneze, el tibetan e el birman. In pì, da ła pronuncia in Primo Cineze Mèdio (na varietà antiga de cineze), deriva ła pronuncia del vocabolàrio cineze inte łe łéngue sino-xèneghe, o sia el japonezo, corean e vietnamita (vocabolàrio sino-japoneze, sino-corean, sino-vietnamita).
In totałe, secondo el linguista Harald Hamarström, el conta sirca 500 łéngue, de łe cuałe un mùcio łe ze menori.
Drio un studio gloto-cronolòzego de sete łéngue sino-tibetane (contro łe 50 de l'artìcuło de Sagart-Jaques-Yunfa par capir ła nàsita de ła fameja) de William S-Y. Wang in "Three windows on the past" (1998), łe łéngue łe ga mostrà i primi segni de perdita de unità "6000 ani fa" (1998-6000= -4002). Par tanto, prosimando el tuto, na separasion (so ła baze de un nùmaro menore de łéngue) se połe datar da torno al 4000 v.C.
Clasìfegasion clàsega di James Matisof (1978) e divizion del proto-sino-tibetan La clasìfegasion di James Matisof, del 1978 el sudivideva ła fameja in do domini:
łéngue sinotibetane łéngue sinìteghe łéngue cineziIncluendo el cinezo mandarin. łéngua bai łéngue tibeto-birmane łéngue tibètegheDe ła cuała el pì grando esponente el ze el tibetan. łéngue lolo-birmaneincluendo birman, e ła łéngua Yi. Notasion
Altri projeti
Linganbi foresti