Ła manica ze el tèrmene col cuało vien indegà cheła parte de un indumento che coverze un braso, o traverso el cuało el braso pasa. El tipo de mànega ła ze una de łe carataristeghe de l'abiliamento che mazormente vària in baze al paeze e al pariodo.
Ła mazor parte de łe màneghe inte ła moda moderna łe pol èsar łonghe, da ła spała al polso, o curte ła cuała łonghesa ła ze pì o manco a metà del bisìpite, meze màneghe se riva a l'altesa del gomio, fin a rivar a metà vanbraso denomenàndołe màneghe a tre cuarti. Racuanti tipi de majete łe ze del tuto privae de màneghe (par ezénpio łe canutiere).
Tipi de mànega Mànega ànzoło: mànega drapejà e verta in fondo. Mànega a bałonsin: mànega ànpia e rigonfia. Mànega a barbastrejo: mànega de grande dimension, e ànpia, che re-crea l'efeto de un poncho. Dita anca mànega majara. Mànega a canpana'''': mànega łarga, che ła se strosa so'l polsin. Mànega svazada: mànega łarga e verta. Mànega gigot: mànega s-gionfa a l'altesa de łe spałe, e streta sol resto del braso. Mànega da kimono: mànega tonda, o retangołar e partegołarmente ànpia. Mànega a pagoda: mànega svazada sol polso. Mànega Raglan: mànega racuanto ànpia, tacà co sintura a razo da scajo fin a baze coło. Mànega a tułipan: mànega ła cuała forma ła someja a cheła de un dułipan.
Magnere de dir Ła mànega ła ze asè prezente inte łe magnere de dir e inte i łoghi comuni. Intrà i pì frecuenti: Gaver un aso inte ła mànega: gaver oncora na posibiłità Esar de màneghe łarghe: èsar zenerozo o spendacion o gaver na interpretasion verta de norme, preceti e costumari popołani.Renbocarse łe màneghe: darse da far.Ze un'altro per (o paro) de màneghe:'' na roba o argomento totalmente difarente dal presedente
Altri projeti
Linganbi foresti
Categoria: Moda