La Normandia (fr.Normandie) la xe na rejon del nord-ovest de la Fransa, che la ocupa la basa val de la Sena (Normandia Alta) e la se destira a l'ovest fin a la penisola del Cotentin. La xe stà divisa inte el 1790 inte cinque departementi ( Calvados, Mànega, Orne, Eure e Sena inferior (Seine-Inférieure), deventà po Sena maritima). Inte el 1956 i primi tre i jera stai ingrumai inte la rejon ministrativa de la Normandia Basa e i ultimi do in quela de la Normandia Alta, dal 1 de Zenaro del 2016, in sevito a la riforma teritorial, la Normadia la xe tornà a esar una ugnola rejon.
La confina a est co le rejon Hauts-de-France e Île-de-France, a sud-est col Centro-Val de la Loira, al sud coi Paesi de la Loira e a sudovest co la Bretagna.
Popolasion La Normandia la conta pì de 3,2 milioni de abitanti, che i ciapa el nome de Normani (Normands), co na densità de popolasion rente a la mèdia nasional fransexe.
Le cità principale le xe: Rovan (390 000 abitanti, Sena maritima), cavoliogo de la rejon; Le Havre (250 000 abitanti, Sena maritima); Caen (200 000 abitanti, Calvados); Évreux (84.000 abitanti, Eure) Cherbourg-Octeville (80 000 abitanti, Manega).
Departementi