La Piasa Rosa (, Krasnaja ploščad') ła ze ła piasa prinsipałe de Mosca. Ła ze adjasente al muro orientałe del Cremlin, sede istitusionałe de ła presidensa rusa.
La piasa ła separa ła Cremlin, ex sitadeła zarista e atuałe rezidensa del Presidente de ła Federasion Rusa, da un stòrego cuartiero de marcanti, conosesto cofà Kitay-gorod. Dato che łe prinsipałi vie de Mosca łe nase da cuà e łe va verso ogni diresion, divegnindo dopo autostrade na volta fora da ła sità e ponesto-ché ła mezura 74.831 metri cuadri, ła Piasa Rosa ła ze considerada ła piasa sentrałe de Mosca e de tuta ła Rùsia e intrà łe piase pì grande in estension de tuto el mondo.
El nome "piasa rosa" no deriva dal fato che i edifisi e łe costrusion da torno a sta cuà łe ze par el pì de cołore roso e gnanca dal ligamento intrà el cołore roso e l'ideołozia comunista. El nome deriva de facto da l'ajetivo ruso красная (krasnaja, femenin del tèrmano красный, krasnji, "beło"), che signìfega sia "rosa" sia, inte el pasato, "beła": l'ajetivo el ze sta orìzenariamente aplegà (col signifegà de "beła") solché inte i confronti de ła Catedrałe de San Bazìlio, e de sevente estendesto a ła piasa inte el cuało sta cuà ła se erize. Se pensa che ła piasa ła gàpia sorbio el so nome atuałe inte el XVII secoło (in precedensa, sta cuà ła zera ciamada Požar, o sia "posto bruzà", ponesto-ché i edifisi in legno che i ła vardava i zera fasilmente sojeti ai insendi).
Lioghi de intarese Catedrałe de San Bazìlio, Cremlin de Mosca, Muzeo statałe de stòria, monumento a Minin e Požarskij, sentro comerciałe GUM, mauzołeo de Lenin
Notasion
Altri projeti
Linganbi foresti
Rosa Categoria:Patrimoni de l'umanità in Rusia