Justin Bieber, (1° de marso, 1994), el ze un cantante canadeze.
My World, el só EP de debuto, el ze stà publegà a fin 2009 e l'è stà sertifegà disco de platino inte i Stati Unìi. One Time, el só primo sìngoło, el ze stà publegà a łiveło mondiałe senpre inte'l 2009 e el ga razonzesto ła top ten in Canada e in altri trenta paezi. Bieber el ze devenjesto el primo artista ad avere sete sìngołi de debuto inte ła clasìfega Billboard Hot 100. Inte'l 2010 el ga publegà My World 2.0, el só primo àlbun in studio. L'àlbun el ga debutà in prima pozision in diversi paezi e el ze stà sertifegà tre volte disco de platino. L'àlbun el zera stà presedùo da'l sìngoło Baby in cołaborasion co Ludacris, che'l ghe ga parmetesto de vinser el Diamond Award par aver vendesto pì de 12 miłion de copie e el ze tutora el só sìngoło de major suceso inte i Stati Unìi.
Dopo ła publegasion de'l primo àlun el ga invià el primo tour a łiveło mondiałe, el My World Tour, e el ga publegà My Worlds Acoustic e Never Say Never: The Remixes; in zonta el ga zirà el só primo film concerto Justin Bieber: Never Say Never.
Inte'l 2011 el ga publegà Under The Mistletoe, el só segondo àlbun in studio, debutando in prima pozision inte ła Billboard Hot 200. Believe, el terso àlbun in studio, el ze stà publegà inte'l 2012. Inte'l 2015, el ga publegà Purpose, el só cuarto àlbun in studio,che'l ga drento hit mondiałi cofà What Do You Mean?,Sorry e Love Yourself. Inte'l 2020, a distansa de 5 ani el pùblega Changes, el só cuìnto àlbun in studio, contenjente Yummy e Intentions. Inte'l 2021 A ze rivà el turno de Justice, el só sesto àlbun in studio, strasinà da hit come Peaches, Hold On e Holy.
Bieber el ga vinsesto numarozi premi, includesti i American Music Awards come "mejo artista de l'ano" inte'l 2010 e inte'l 2012 . El ze stà nomenà ai Grammy Awards inte ła categoria "mejo artista emerzente" e "mejo artista artista pop" inte'l 2011 e el ghe n'a vinsesti do, inte'l 2016 co ła canson Where Are Ü Now, inte ła categoria "mejo rezistrasion dance" e inte'l 2021 co 10,000 Hours inte ła categoria "mejo performance country de un do o un grupo". El ze una de łe sełebrità pì famoze al mondo e inte'l web, co pì de 90 miłion de "follower" so Facebook, 114 miłion so Twitter e co pì de 200 miłion so Instagram. El ze łl'artista sołista co pì iscriti so YouTube, oltra 60 miłion e anche co pì vizuałizasion, 27 miłiardi. El ze stà ełencà tre volte inte ła łista de łe dièze sełebrità pì potenti da Forbes, inte'l 2011, 2012 e 2013.
Co un patrimonio de 250 miłion de dołari, el ze stà l'under 25 pì rico de'l mondo e el ze uno dei artisti de mazor suceso de senpre, avendo vendùo conplesivamente 200 miłion de copie tra àlbun e sìngołi.
Inte'l 2016, Bieber el ze deventà el primo artista a suparar i 10 miłiardi de vizuałizasion so Vevo.
Inte'l 2021 el ze deventò l'artista pì scoltà inte ła storia de ła piataforma Spotify, co un pico de 94 miłion de scoltadori mensiłi.
Stiłe ed influense Ła mùzega de Bieber ła ze prensipalmente pop, incorporando anca ełementi R&B. Inte'l 2010, Jody Rosen de ła rivista Rolling Stone el ga afermà che'l contenjùdo de ła só mùzega "el ofriva na dełicada introdusion ai misteri e ai dołori de l'adołesensa: canson piene de romantisizmo ma in partegołar łìbare da'l seso steso". Daspò el só suceso inte'l 2015 de ła trasa "Where Are Ü Now", Bieber el ga publegà l'àlbun ispirà a l'EDM, Purpose, in cołaborasion co Diplo e Skrillex, DJ Snake e Major Lazer.
A Bieber A ze stà reconosùo el merito de aver aumentà ła cariera de altri cantanti come Carly Rae Jepsen e Madison Beer.
Bieber el ga influensà vari artisti discogràfeghi tra cui Why Don't We, Johnny Orlando, Niall Horan e Billie Eilish. In zonta i cantanti Dua Lipa e Charlie Puth i ga dichiarà de èsar stà influensài da ła descoerta de Bieber so YouTube, che łi ga ispirài a razonzder ło steso rezultado.
Bieber el ga mensonà Michael Jackson, The Beatles, Boyz II Men, Mariah Carey, Justin Timberlake, Stevie Wonder, Tupac e Usher come só ispirasion muzegałe.
Biografia Bieber el ze nasesto el 1º de marso del 1994 a London, Ontario, e el ze cresesto a Stratford. El ze l'ùnego fio de Jeremy Jack Bieber e Pattie Mallette. I zenidori no i ze mai sta spozài e só mare ła ze restada gravia cuando che'l gavea soło dizdoto ani. Pattie ła ga cresesto só fio co l'ajuto de ła mare, Diane e del parenjo Bruce. Nonostante che'l sìpia cresùo co ła fameja materna, Bieber el ga senpre mantenjesto un streto raporto anca co'l pare. Justin da'l łado paterno el ga na soreła, Jazmyn Kathleen (2008) ed un fradeło, Jaxon Julian (2009), nasesti da'l prim matrimonio del pare e na soreła, Bay (2018), nasesta dal só segondo matrimonio. , People. 20 giugno 2010
Durante ła só infanzia Bieber el zera intaresà a l'hockey, al calcio e ai scachi; el ga speso tenjùo łe só aspirasion muzegałe par sé stesoJustin Bieber is Living the Tween Idol Dream, The New York Times. 31 dicembre 2009. Cresendo el ga inparà a sonar el pianoforte, ła batarìa, ła chitara e ła tronba, Al.com. 17 dicembre 2010. Inte i primi mezi de'l 2007, a l'età de dòdeze ani, el ga cantà So Sick de Ne-Yo par un concorso łocałe de canto a Stratford e el ze rivà al segondo posto. Insieme a só mare, inte'l 2007 el ga tacà cargar video so YouTube in cui el cantava canson de vari artisti (Usher, Chris Brown, Ne-Yo, Justin Timberlake ed altri) e A ze stà cusì che ga scominsià cusì ła só carieraTime is right for teen singer Justin Bieber | Reuters , Reuters. 19 luglio 2009.
Vita privà
Da'l 2008 al 2009, Bieber el ga avùo na rełasion co Caitlin Beadles. Inte'l desenbre 2010, Bieber el ga inisià a frecuentar Selena Gomez. Dopo ła divizion inisiałe inte'l novenbre 2012, i ga avùo na rełasion a faze alterne, durada fin a marso 2018. Da agosto a desenbre 2016 el ga avesto na rełasion co ła modeła Sofia Richie.
El 13 de setenbre 2018 el se ga spozà sivilmente a New York co ła modeła statunitense Hailey Baldwin. Bieber e Hailey i ga tenjùo na serimonia ofisiałe a Bluffton, Carolina del Sud, el 30 de setenbre 2019.
Sałute Bieber el ga łotà co problemi de sałute mentałe, in partegołar co ła depresion e l'ansa, in vari momenti de ła só cariera.
L'8 de zenaro 2020, Bieber ga anunsià so'l só Instagram che A ghe jera stà dianjostegà ła małatìa de Lyme, afermando che łe specułasion de altre parsone segondo cui el drogava łe zera false. El ga anca revełà de aver ła mononucleozi infetiva, che ła ga influìo so ła só sałute neurołòzega e zenàrałe.
Inisiadive comersiałe
Drew House Inte'l zenaro 2019, Bieber ga łansà ła só łinea de fornimento, "Drew", co vari artìgołi streetwear unisex, tuti cai decorài co l’epogałe sìnboło de'l Smile o semplisemente "drew" scrivesto so'l davanti. Ła marca, ła se ispira al mondo de'l skateboard, ła propone t-shirt łarghe, majon, braghe, braghete curte e altri tochi abinài, in cołori neutri. Inte'l setenbre 2019, dopo un ano de cołaborasion co'l CEO de Schmidt Naturals, Michael Cammarata, Bieber ga łansà ła só łinea de deodoranti, "Here+Now". Inte l'otobre 2020, Bieber ga rełasà na edision łimitada de łe Crocs, na cołaborasion co Crocsmarca. El design el se ispira a ła gama Classic Clog e al zało caratarìstego de ła só marca de fornimento parsonałe. El ze stà vendùo traverso el sito Crocs e canałi de e-commerce partner, e vendùo anca inte i negosi al detałio in Sina e Corea del Sud, nonché so'l sito Web de ła łinea de fornimento, Drew House.
Bieber x Tim Hortons Inte'l novenbre 2021, ła caena Tim Hortons ga inisià na promosion co'l cantante, che includeva l'usida de Timbits "Tim Biebs" in edision łimitada e el merchandising de conpanjamento.
Bieber x Piaggio Vespa El 17 de desenbre 2021 ła dita itałiana Piaggio Vespa anuncia tramite dei post so ła piataforma Instagram de aver scominsià na cołaborasion co'l cantante canadeze. So l'argomento el cantante dichiara: "I me fan i sa cuanto che mi A ame el sport: el skateboard, l'hockey, el basket, ła BMX. Son da senpre atrato da sto misioto de stiłe, ełegansa e vełosità".
Cariera 2008-2009: ła scoverta e My World sinistra|thumb|Justin Bieber a l'età de 15 ani al Nintendo World Store inte'l 2009 Mentre el gera drìo navegar so Internet, el produtor Scooter Braun se ga inbatùo in un video de Bieber del 2007. Inpresionà, Braun ga rentrasà Patricia Mallette, só mare de'l tozo. Al prensipio rełutante a l'idea, 'st'ùltema ła se ga convinsesto e parmetesto a Justin de andar ad Atlanta, par rezistrar na demo. El ga firmà presto un contrato co ła Raymond Braun Media Group (RBMG), na joint venture tra Braun e Usher. Drioman 'st'ùltemo el ga organizà un provin co Antonio L.A. Reid e inte l'otobre 2008 el ga firmà un contrato discogràfego co ła Island Records e ghe ze stà cusì na nova joint venture tra ła RBMG e ła Island Records. Bieber e só mare i se ga trasferìo tenporaneamente ad Atlanta indove A vivea anca Usher e Braun. 'St'ùltemo l'è devenjesto só manager , Reuters 19 luglio 2009 e i ga inisià a rezistrar un EP.
One Time, el só singoło d'ezordio, el ze stà trazmetesto in radio propio mentre Bieber el zera drio rezistra el só àlbun de debuto, Billboard. (dead link). Ła canson ła ga razonzesto ła pozision nùmaro 12 so'l Billboard Canadian Hot 100 e drioman ła pozision nùmaro 17 so ła Billboard Hot 100. Durante l'utuno 2009 el ga otenjesto el suceso so i marcà intarnasionałi, Billboard Chart History.. El brano l'è devenjesto disco di platino in Canada e intei i Stati Unìi, d'oro in Austrałia e Nova Zełanda., Ariacharts Top 50 Singles Chart. My World, el só primo EP, el ze venjesto fora el 17 de novenbre 2009. El segondo singoło estrato l'è stà One Less Lonely Girl mentre so iTunes ze venjesti publegài nantri do singołi, Love Me e Favorite Girl. One Less Lonely Girl l'è stà mandà in onda drioman inte łe radio ed entra inte ła Top 15 in Canada e Stati Unìi. L'EP par zonta el ze stà sertifegà come disco platino inte i Stati Unìi e dopio disco de platino in Canada e in Renjo Unìi. Par promovar el disco, Bieber el ga reałizà arcuanti show da'l vivo, come al The Ellen DeGeneres Show, Good Morning America e It's On with Alexa Chung , JSYK. 2 ottobre 2009.
Durando ła serimonia de nadałe a ła Caza Bianca Bieber el se ga ezibìo co ła canson Someday at Christmas de Stevie Wonder par el presidente statunitense Barack Obama e ła first lady Michelle Obama. L'evento el ze stà trazmetesto el 20 de desenbre 2009 so l'emitente TNT , EW.com. 2 dicembre 2009. Bieber el ze stà anca uno dei prezentadori dei sincuantadozèzemi Grammy Awards, el 31 de zenaro 2010 e el ga partesipà a ła reintarpretasion de We Are the World a sostenjo de łe vitime de'l taremoto de Haiti, cantando el peso de vertura che inte ła varsion orizenałe ła ze cantada da Lionel Richie. El 12 de marso 2010 el ga rezistrà anca na varsion de Waving Flag de K'naan par i Young Artists for Haiti, in cui el ze prezente inte'l peso de serada. , MTV News. 2 febbraio 2010
2010-2011: My World 2.0 e Never Say Never thumb|Bieber canta durando el só My World Tour Baby, el primo singoło de l'