Ła cieza de San Bonaventura ła ze un edifisio rełigiozo de ła sità de Venesia, situà inte'l sestier de Canaregio.
Storia Ła cieza dedicada a San Bonaventura ła ze stà tirada sù inte'l 1620 dai pari fransescani minori de l'órdene dei Reformadi, provenienti da l'ìzoła de San Fransesco de'l Dezerto, insieme a un monastier. Co ła sopresion napołeònega dei órdeni rełigiozi, inte'l 1810 ła cieza ła zera stà serada e el monastie butà zó. Inte'l 1859, el conpleso el ze stà cronpà da ła contesa Paolina Giustinian-Recanati che ła ghe ga fato reałizar un convento de carmełitane descalse e ła cieza ła zera stada adibìa a capeła conventuałe. So'l scominsio d'el XX sècoło, parte de'l convento el ze ze stà reconvertìo in ospeal infantiłe.
Descrision Ła cieza ła ze stada conpletamente despogiada sia de i aredi che de łe decorasion prezenti so ła fasada, paraltro asàe esensiałe. Orizenariamente ła ospitava òpare de Tintoretto, Jacopo Bassano e el depinto Santa Margherita da Cortona de'l Tiepolo, po' trasferìo inte ła Cieza de San Micel in Ìzoła.
Bibliografia The Churces of Venice
Altri projeti
Bonaventura Bonaventura