LOONA, stilizà come LOOΠΔ, o 이달의 소녀 (Toza del Meze), el ze on grupo de toze sudcoreane creà da ła BlockBerry Creative . El grupo el zera fà de dodaze menbri: HeeJin, HyunJin, HaSeul, YeoJin, ViVi, Kim Lip, JinSoul, Choerry, Yves, Chuu, GoWon e HyeJu. El 25 novenbre 2022, el menbro Chuu ła ze stà cavà fora dała formasion. Tre di pi vanti anca i menbri HeeJin, HaSeul, YeoJin, Kim Lip, JinSoul, Choerry, Yves, GoWon e HyeJu łe ga tentà ła sospension dei contrati. El 13 zenaro 2023, i menbri HeeJin, Kim Lip, JinSoul e Choerry łe ga vinto ła causa, e łe ga łasà l’agensia. El 3 febraro 2023, i menbri HyunJin e ViVi łe ga tentà ła sospension dei contrati, e łe ga vinto ła causa el 9 majo 2023, łasando l’agensia. El 16 zunjo 2023, i menbri HaSeul, YeoJin, Yves, Go Won e HyeJu łe ga vinto ła causa, e łe ga łasà l’agensia. Co tute łe gavea łasà, ła BlockBerry Creative ła ga meso el grupo in na pausa indefinia.
El 10 lujo 2018, el ze stà butà fora el nome del fandom, Orbit.
El grupo el ga debutà zonto el 19 agosto 2018, co el extended play (EP) [+ +] , sostenjua dal singoło ‘favOriTe’ e dała canson prinsipałe ‘Hi High’. El debuto del grupo el ze stà precedùo da on prozeto de debuto durà 18 mezi, co singołi promosionałi che łi mostrava on nuovo menbro onji meze.
Dal 2022 al 2023, dopo na serie de querełe, i menbri dełe LOONA łe ga scanselà i łori contrati co ła BlockBerry Creative e łe ga firmà contrati co nove etichete: YeoJin, Go Won, HyeJu, HyunJin e ViVi łe ga firmà co ła CTDENM e łe ga ridebutà come Loossemble inte’l setenbre 2023; Chuu ła ga firmà co ła ATRP e ła ga ridebutà inte’l otobre 2023; Yves ła ga firmà co Paix Per Mil e ła ga fà el so debuto come artista sołista soto ła conpanja inte’l marso 2024; mentre HeeJin, Kim Lip, JinSoul, Choerry e HaSeul łe ga firmà co ła Modhaus e łe ga ridebutà come Artms nel majo 2024.
Nome El nome ingleze dełe LOONA vien dałe letare Hangul ㅇㄷㅇㅅㄴ: onji letara ła ze ła inisiałe de onji siłaba in 이달의 소녀. Co riordinàe, se ga ㄴㅇㅇㄷㅅ, che el pare LOOΠΔ, o LOONA.
Stiłe muzicałe Ła discografia dełe LOONA inbraza deversi zenari muzicałi, tra cui Jazz pop, Bałabiłi, incrozo Clasico, Candy pop, Disco pop, Electro pop, R&B, Future Bass, Synth pop, Pop, D&B, Upbeat e simiłi.
Storia 2016~2018: unità predebuto e Mix Nine El 2 otobre 2016, ła BlockBerry Creative ła ga anunsià pa Naver che łi gavaria debutà el łori primo grupo feminiłe co on projeto de debuto longo dizoto mezi, inte'l i quałi łi gavaria rivełà onji menbro co dei singołi. Jaden Jeong el ze stà el diretore fin agosto 2019, co el ga łasà l'agensia pa dełe barufe. Inte'l otobre 2016 e zenaro 2017, łe ga debutà HeeJin, HyunJin, HaSeul e YeoJin. Inte'l marso 2017, ła ga debutà ła prima unità: łe LOONA 1/3, formà da HeeJin, HyunJin, HaSeul, e el novo menbro rivełà, ViVi, zonto a on EP ciamà Love & Live e co na promosion in SBS Inkigayo. El 27 apriłe, łe ga butà fora sto repackage del EP ciamà Love & Evil. Łi do albun łi ga razunto rispetivamente el numaro 10 e 24 neła South Korea's Gaon Album Chart. Inte'l apriłe e lujo 2017, łe ga debutà i menbri ViVi, Kim Lip, JinSoul e Choerry. Inte'l setenbre, HeeJin, HyunJin e HaSeul łe ga partesipà ało spetacoło deła JTBC, Mix Nine; HeeJin e HyunJin łe ze rivàe rispetivamente cuarta e dizotezema. Ła seconda unità del grupo co drento Kim Lip, JinSoul e Choerry, LOONA Odd Eye Circle, ła ga debutà el 21 setenbre 2017 co el EP Mix & Match co dełe promosion al Mnet's M Countdown. Łe ga butà fora anca na version ingleze de 'Loonatic' el 23 otobre. El 31 otobre, łe ga butà fora sto repackage del EP ciamà Max & Match. Łi do albun łi ga razunto rispetivamente el numaro 16 e 7 neła South Korea's Gaon Album Chart. Inte'l novenbre 2017 e marso 2018, łe ga debutà Yves, Chuu, Go Won e HyeJu. Łe ga anca butà fora 'The Carol 2.0' co ViVi, Choerry e Yves. El 30 majo, ła tersa unità del grupo, LOONA yyxy, ła ga debutà coi menbri Yves, Chuu, Go Won e HyeJu, co el EP Beauty & the Beat. El EP el ga razunto el numaro 4 neła South Korea's Gaon Album Chart. El 7 agosto, łe LOONA łe ga butà fora el singoło 'favOriTe' co el so video muzicałe, che el diventa el singoło dell'EP [+ +], prima canson co tuti i dodaze menbri.
2018~2019: el debuto ofisiałe del grupo co [+ +] e [× ×] El 20 agosto, łe LOONA łe ga ofisialmente debutà come grupo co el EP [+ +] (plus plus). El albun el ga drento 'favOriTe' zonto ała canson prinsipałe 'Hi High'. El ga razunto el numaro 2 neła South Korea's Gaon Album Chart e el ze stà el secondo albun pi veduo de on grupo feminiłe nel 2018. El 19 febraro 2019, el ze stà butà fora ła version sucesiva del albun, [× ×] (multiply multiply), co zonte sie nove cansoni, e ła canson prinsipałe 'Butterfly'. El 17 agosto, łe LOONA łe ze 'ndae nei Stati Unii pa ezibirse ało KCON 2019 de Los Angeles. El 13 disenbre, łe LOONA łe ga butà fora el singoło '365', na canson de apresamento pa i fan.
2020~2021: [#], [12:00], [&], el debuto japonezo, e ła quereła de Chuu El 7 zenaro 2020, ła BlockBerry Creative ła anunsia che HaSeul ła se saria ciapà na pauza e no ła gavaria partesipà ałe atività de grupo parché ła mostrava sintomi de ansia. El 5 febraro, łe LOONA łe ga butà fora el secondo EP, [#] (hash), a cui HaSeul ła ga parsialmente partesipà, co ła canson prinsipałe 'So What'. El albun el ga razunto el numaro 1 su Gaon Retail Album Chart. El 12 marso, el grupo el ga vinto el so primo premio al Mnet's M Countdown. El 19 otobre, łe LOONA łe ga butà fora el łori terso EP, [12:00] (midnight), co ła canson primsipałe 'Why Not?'. HaSeul ła mancava incora. El albun el ga razunto el Billboard 200, al numaro 112. El 18 novenbre, łe ga butà fora el video muzicałe de 'Star', che ła ga razunto el numaro 40 inte'l Billboard Mainstream Top 40, rendendołe el secondo grupo K-pop a razunzarło. El 1 zunjo 2021, łe LOONA łe ga anunsià el ritorno el 28 zunjo co el łori cuarto EP, [&], co anca el ritorno de HaSeul, come confermà dal post del di dopo che el mostrava dodaze oci difarenti. El 12 zunjo, i menbri YeoJin, Kim Lip, Choerry e Go Won łe ga butà fora el singoło in cołaborasion co Cocomelon 'Yumm-Yumm', seguì el 8 setenbre dal singoło 'Yummy-Yummy'. El 27 zunjo, el grupo el ga anunsià el loro debuto japonezo soto ła Universal Music Japan sublabel EMI Records el 15 setenbre. El 26 agosto, łi ga anunsià che łe LOONA łe gavaria butà fora do singołi 'Hulahoop' e 'Starseed' el 15 setenbre co i dischi fisici el 20 otobre. A disenbre Chuu ła ga querełà ła BlockBerry Creative.
2022: Queendom 2, Flip That, LUMINOUS e Chuu ła vien espulsa El 11 e el 12 febraro 2022, ghe ze stà el LOONAVERSE in l'Arena Jangchung, a Seoul, ma Chuu ła zera asente pa motivi, cusì contà, de sałute. El 21 febraro, MNET el ga anunsià che łe LOONA łe gavaria partesipà a Queendom 2, ma el 28 febrero, el ze stà anunsia che łe LOONA no łe gavaria partesipà ała prima prova parché, el steso di, i menbri HaSeul, YeoJin e ViVi, łe ze stàe testàe pozitive al COVID-19. El 29 marso, Chuu ła gavea parsialmente vinto ła cauza. El 2 zunjo, łe LOONA łe gavea finio pa seconde in finałe. On di pi vanti, el ze stà anunsià el łori ritorno co ło spesiałe EP estivo, 'Flip That', pa el 20 zunjo. El 19 agosto, łe LOONA łe ga anunsià el łori ritorno japonezo co on singoło pa el 28 setenbre. El primo singoło ze stà 'SICK LOVE' cantà soło da HeeJin, Kim Lip, JinSoul e Choerry. El secondo singoło, 'Luminous', el saria stà el singoło de grupo, a cui parò no partecipa Chuu. El 25 novenbre 2022, el menbro Chuu ła ze stà cavà dal grupo pa "abuzo de podere". Tre di pi vanti anca i menbri HeeJin, HaSeul, YeoJin, Kim Lip, JinSoul, Choerry, Yves, GoWon e HyeJu łe ga tentà ła sospension dei contrati, ma co ła JTBC ła ga domandà ała BlockBerry Creative dełe conferme, łi ga negà. El 12 desenbre, ła BlockBerry Creative ła ga anunsià el ritorno dełe LOONA co el sesto EP pa el 3 zenaro 2023. Ma i fan łi ga boicotà, co el ze venjuo a gała che l'agensia ła tratava małe i menbri, e la BlockBerry Creative ła ze stà costreta a postisiparło indefinitivamente el 22 desenbre.
2023~oncuo: i menbri rimanenti łe łasa ła BlockBerry Creative El 13 zenaro 2023, i menbri HeeJin, Kim Lip, JinSoul e Choerry łe ga vinto ła cauza, e łe ga asà l’agensia, ma no i menbri HaSeul, YeoJin, Yves, Go Won e HyeJu, che łe gavea contrati diversi da quełi de HeeJin, Kim Lip, JinSoul, Choerry e Chuu. El 1 febraro, Star News ła ga reportà che ła BlockBerry Creative ła gavea scrito na petision ała Korean Entertainment Management Association pa banar HeeJin, Kim Lip, JinSoul, Choerry e Chuu dałe atività d'intratenimento in Corea del Sud. El 3 febraro 2023, i menbri HyunJin e ViVi łe ga tentà ła sospension dei contrati, e łe ga vinto ła causa el 9 majo 2023, łasando l’agensia. El 16 zunjo 2023, i menbri HaSeul, YeoJin, Yves, GoWon e HyeJu łe ga vinto ła causa, e łe ga asà l’agensia. El 24 zunjo, l'agensia ła ga tentà de novo de querełar tuti i menbri, ma ła ga perso. Co tute łe gavea lasà, ła Blockberry Creative ła ga meso el grupo in na pausa indefinia.
Menbri Menbro Nome de nasita Nome inglezeNome coreano Data de nasita Nasionałità Unità Raprezentasion Latino Hangul Latino Łengua Mare Animałe Cołor FormaFiore Paeze Podere FrutoEmosionSingołoHeeJin희진Jeon Heejin전희진Zoe20 otobre 2000sudcoreana 🇰🇷LOONA 1/3, The Carol Unit, LOONA Odd Eye Circle +, Not Friends Unitcuneło 🐰roza scurocuadràTrifojo FalsoParizi, Fransa 🇫🇷 VividHyunJin현진Kim Hyunjin김현진Rachel15 novenbre 2000LOONA 1/3, The Carol Unitgato 🐱 załoNo Te Scordar De MiTokyo, Japon 🇯🇵 다녀가요 HaSeul하슬Cho Haseul조하슬Jane18 agosto 1997LOONA 1/3, The Carol Unitcołonba 🕊️ volpa 🦊 verdoManjoliaIzlanda 🇮🇸 소년, 소녀YeoJin여진Lim Yeojin임여진Ruby11 novenbre 2002Cocomelon Unitrana 🐸 orso 🐻 naransaronboMargheritaTaipei, Taiwan 🇹🇼 키스 다음에 ViVi 비비 Wong Kahei 黃珈熙 Vivian황아라 (Hwang Ara) 9 decenbre 1996 hongkongheze 🇭🇰 LOONA 1/3, The Carol 2.0 Unit servo 🦌 roza ciaro cuadràJerbera Hong Kong 🇭🇰 interconesionEveryday I Love YouKim Lip김립Kim Jungeun김정은Ashley10 febraro 1999sudcoreana 🇰🇷 LOONA Odd Eye Circle, LOONA Odd Eye Circle+, Cocomelon Unit, Not Friends Unitgufo 🦉 can 🐶 rososerchioRoza Rosaviazo nel tenpoEclipseJinSoul진솔Jeong Jinsol정진솔13 zunjo 1997LOONA Odd Eye Circle, LOONA Odd Eye Circle+, Not Friends Unitbeta 🐟 tigra 🐯 azuro neroEricaviazo neło spasioSinging In The RainChoerry최리Chwe Yerim최예림12 lujo 2001LOONA Odd Eye Circle, The Carol 2.0 Unit, LOONA Odd Eye Circle+, Cocomelon Unitbarbastrejo 🦇 scojatoło 🐿️ vioła biancoCosmos Rozaviazo interdimensionałesareza 🍒 Love Cherry MotionYves이브Ha Sooyoung하수영Sally24 majo 1997LOONA yyxy, The Carol 2.0 Unit, Not Friends Unitsinjo 🦢 bordòtriangoło in suAgava Amigameła 🍎 fidenewChuu츄Kim Jiwoo김지우20 otobre 1999LOONA yyxypinguin 🐧 roza corałoTułipanfreza 🍓 amorHeart AttackGo Won고원Park Chaewon박채원Tiffany19 novenbre 2000LOONA yyxy, The Cocomelon Unitpaveja 🦋 verdaquatriangoło in zoBocoło de Amołoananas 🍍 speransaOne & OnlyHyeJu혜주Son Hyeju손혜주13 novenbre 2001LOONA yyxylovo 🐺 grizo nerotriangoło in suLobełiaamołoiraEgoist
Unità Unità Menbri Debuto Albun 1/3HeeJin HyunJin HaSeul ViVi13 marso 2017Love & Live Love & EvilOdd Eye CircleKim Lip JinSoul Choerry20 setenbre 2017Mix & Match Max & MatchyyxyYves Chuu Go Won HyeJu29 majo 2018beauty & the beat femme & fatale (iriłasà)
Riconosimenti Asia Artist Award 2018 – Candidatura Artisti pi popołari (cantaori) – Top 50 2019 – Premio popołarità (grupi feminiłi) 2019 – Focus Award (cantaori)
Asia Model Award 2020 – Premio popołarità
Brand Customer Loyalty Award 2020 – Astro nasiente
BreakTudo Awards 2019 – Candidatura grupo feminiłe K-pop
The Fact Music Award 2021 – Candidatura Fan & Star Choice Award (artista)
Genie Music Award 2018 – Candidatura Artista dell'ano 2018 – Candidatura Novo artista feminiłe 2018 – Candidatura Premio popołarità di Genie Music 2019 – Candidatura Novo artista feminiłe 2019 – Candidatura Premio popołarità globałe
Golden Disc Award 2019 – Candidatura Premio artista prinsipiante 2019 – Candidatura Premio popołarità