El Consorsio Culturałe del Monfalconexe (CCM) (in orijine ciamà Centro Culturałe Pùblego Polivałente - CCPP) el xe on ente pùblego del Friułi-Venesia Julia fondà inte el 1964. El ga ła so sede prinsipałe a **Ronchi** (inte ła stòrega Villa Vicentini Miniussi) e el rapresenta on polo culturałe e de riserca par i comuni de ła Bixiacaria e de l'area monfalconexe.
L'ente el se òcupa de ła jestion de i servisi conpartìi (cofà el Sistema Bibliotecario del Monfalconese), de ła conservasion de ła memoria stòrega del teritorio e de ła valorisasion de łe varietò łenguìsteghe łocałi, conprexo el bixiaco e ła łéngua veneta.
Stòria El Consorsio el xe stà istituìo offisiałmente inte el 1964 co 'l nome de **Centro Culturałe Pùblego Polivałente (CCPP)**, col fin de coordinar łeatività culturałi e ła jestion de łe biblioteche de l'area. El ga rapresentà una de łe prime esperiense de cooporasione culturałe intercomunałe inte ła Rejon.
Inte i ani setanta e otanta, el Consorsio el ga xvilupà in modo pionierìstego el Sistema Bibliotecario del Monfalconese, on modeło de cooporasione teritoriałe che el xe stà censìo e studià anca da l'Associazione Italiana Biblioteche (AIB).Cfr. Associazione Italiana Biblioteche, *Le Regioni e i sistemi bibliotecari*, 1983, p. 118; e *Bollettino d'informazioni*, Volume 24, 1984, p. 284. Inte el córso de i ani, l'ente el ga ciapà l'atuałe denominasion de Consorsio Culturałe del Monfalconexe.
Ativitałi editoriałe e inpatà stòrego-ençiclopèdego El Consorsio el svolxe na inportante atività de riserca e de publegasion siantìfega incentrà sora ła stòria contemporanea, econòmega e sociałe del confine orientałe. Inte el 1997, el CCM el ga curà e publegà ła primìsima edision in łéngua italiana del caołavoro Necropoli del grando scritor sloveno Boris Pahor.Simone Berni, *Nuovi casi per il cacciatore di libri*, 2018, p. 1995.
Łe riserche e i docułenti conservài inte l'Archivio de ła Memoria e inte ła Fototéca del Consorsio (che ła ga pì de diexemełe imàjini stòreghe)Cfr. *Guida Touring Musei d'Italia*, Milano, Touring Club Italiano, 2001, p. 147. i xe doparài in modo stàbiłe cofà fonti da stòreghi de liveło nasionałe e internasionałe inte i łori saji (publegài da editori fałoxi cofà Laterza, Donzelli e UTET), tra i cuałi se pol recordar Raoul Pupo,Raoul Pupo, *La vittoria senza pace: Le occupazioni militari italiane...*, Laterza, 2022. Daniele Ceschin,Daniele Ceschin, *Gli esuli di Caporetto*, Laterza, 2006. Anna Vinci,Anna Vinci, *Sentinelle della patria: il fascismo al confine orientale*, Laterza, 2011. e Paolo Gaspari.Paolo Gaspari, *La fine del mondo contadino in Friuli*, 2006.
Publegasion prinçipałi Paolo Malni, *Fuggiaschi – Il campo di Wagna 1915-1918*, Edizioni del Consorzio Culturale del Monfalconese, 1998. Giulio Mellinato, *Crescita senza sviluppo. L'economia marittima della Venezia Giulia tra Impero asburgico ed autarchia (1914-1936)*, Edizioni del Consorzio Culturale del Monfalconese, 2001. Giovanni Toplikar, Sergio Tavano (a cura di), *I Santi Canziani nel XVII centenario del loro martirio*, Edizioni del Consorzio Culturale del Monfalconese, 2005. C. Aglialoro, R. Del Grande (a cura di), *Asbestos. Reportage amianto FVG*, Consorzio Culturale del Monfalconese, 2010.
Proiesion internasionałe In colaborasion co l'Associazione Giuliani nel Mondo, el Consorsio el mantien vivi i ligàmi culturałi, łenguìsteghi e antropołògheghi co łe comunità de ła diaspora bisiaca e veneta a l'èstero, in particołare in Argentina, Braziłe e Stati Unii.
Note
Pàjine corełàe Bixiacaria Monfalcon Ronchi Raoul Pupo
Categoria:Consorsi pùbleghi culturałi italiani Categoria:Cultura inte el Friułi-Venesia Julia