Ła Provincia de Càjari (en sardo Provìntzia de Castèddu, loc. Provincia de Casteddu) ła xe stada na provincia de ła Sardegna. Ła afaciava a sud e a est sol Mar Mediteraneo, ła confinava: a nord co łe Province de Noro, de l'Ojastra e de Oristan, ad co ovest łe Province de Carbonia-Iglesias e del Medio Campidan.
Dati Ła gaveva 543 310 abitanti (el 33,3% de ła popołasion sarda) e ła se estendeva par 4 569 km² (el 19% del teritorio sardo).
Istoria In seguito ała leje rejonałe n. 9 del 2001 e sucesive integrasion, a jera sta fata na ripartision del teritorio de ła Rejon Autonoma de ła Sardegna, che ła gaveva portà el numaro de łe province da quatro a oto. Łe modifeghe łe jera diventà operative a partir dal majo 2005, quando a se gaveva svolto łe ełesion par rinovare tuti i Conseji provinciałi.
Ła Provincia de Cajari ła gaveva subìo łe seguenti modificasion: ła gaveva acquisio 13 comuni da ła Provincia de Noro, ła gaveva perso 23 comuni, che i ga costituio ła nova Provincia de Carbonia-Iglesias, ła gaveva perso 28 comuni, che i ga costituio ła nova Provincia del Medio Campidan.
Comuni Ła provincia ła cuntava 71 comuni. Comuni prinsipałi Cajari - 160 101 abitanti Quartu Sant'Ełena - 70 407 abitanti Selargius - 28 767 abitanti Assemini - 25 913 abitanti Capoterra - 22 996 abitanti Sestu - 18 030 abitanti
Comuni de ła Provincia
Categoria:Provincia de Cajari