El xe senador dal 2006. El xe sta deputato inte el 1996 e rieleto inte el 2001. El xe sta segretario generałe de ła Uilm (Union Italiana Lavoradori Metalmecanici, aderente a ła UIL) e el ga fondà co Carniti e Trentin ła FLM (Federazione Lavoradori Metalmecanici) che ła riuniva łe categorie dei łavoradori metalmecanici de UIL, CISL e CGIL.
Inte el 1971 el xe sta tra i firmatari del documento publicà sol setimanałe L'espresso contro el comisario Luigi Calabresi.
Inte el 1976 el xe sta ełeto segretario generałe deł UIL, sucedendo a Raffaele Vanni, dove el xe restà fin al 1992 quando el xe sta nominà Segretario Generałe del Ministero de łe Finanse.
Inte el febraio 1993 Giorgio Benvenuto el xe sta ełeto segretario del PSI, sucedendo al dimisionario Bettino Craxi. El xe restà a ła segreteria del PSI fin al majo del steso ano.
Vegnù fora dal PSI el xe sta tra i fondadori de Leansa Democràtega insieme a Giorgio Bogi, Ferdinando Adornato e Willer Bordon.
In ocasion de łe ełesion połiteghe del 1996 co Ałeanza Democratica el ga aderio al projeto de ł'Union Democratica de Antonio Maccanico che al magioritario el se presenta inte ł'Ułivo e al proporsionałe el presenta liste col Partio Popołare Italian de Gerardo Bianco. El vien eletto e va dentro el grupo "Popołari e Democràteghi - L'Ułivo".
Ai scuminsi 1998 el daaa el grupo par aderire al grupo dei Democrateghi de Sanca.
Sucessivamente el xe entrà a far parte de ła Diresion Nasionałe dei DS come cao del movimento Riformatori par l'Eoropa che ła xe una de łe conponenti che ga fondà i DS.
El xe sta candidà al Senato co i Democrateghi de Sanca par łe ełesion połiteghe del 2006 risultando ełeto in Łonbardia.
El 6 de zugno 2006 el xe sta ełetto Presidente de ła Comision Finanse del Senato de ła Republica. Notasion
Altri projeti
Linganbi foresti
Benvenuto Giorgio Benvenuto Giorgio Categoria:Nasesti inte el 1937