Ła Provincia de Groseto ła xe ła provincia che ła ocupa intieramente ł'estremità meridionałe de ła Toscana e, par estension teritoriałe, ła risulta esare ła pì granda de ła rejon; co poco manco de 221 000 abitanti , ła xe na de łe province italiane co ła pì basa densità de abitanti par km².
Ła confina a nord-ovest co ła provincia de Łivorno, longo la fasa costiera, e co ła provincia de Pixa, inte ł'area de łe Cołine Metałifare sud-osidentałi; a nord e a est el teritorio el xe divixo da ła provincia de Siena prima da łe Cołine Metałifare sud-orientałi, po' da on trato del fiume Ombrone e da ła parte terminałe del so afluente, el fiume Orcia, e infine dal cono vulcanico del Monte Amiata; a sud-est el confine co ła provincia de Viterbo (Łazio) el xe segnà longo ła fasa costiera da ł'ultimo trato del torente Chiarone, mentre inte łe xone interne el limite tra łe do province el risulta esare manco definibiłe.
Ła xe bagnà a ovest dal Mar Tireno, include anca łe ìzołe meridionałi de ł'Arsipełago Toscano: ł'Ixoła del Giglio, queła de Gianutri e ixołoti picinini non abità, tra cui łe Formighe de Groseto e ła Formiga de Buran.
Comuni Ła provincia de Groseto ła ga, atualmente, on totałe de 28 comuni.
Comuni prinsipałi Groseto - 81 783 abitanti Follonica - 21 762 abitanti Comuni de ła Provincia de Groseto
Note