El Canton de Xenevra el xe el pì osidentałe intrà cantoni de ła Svisara. El confina co ła Fransa par ła majoransa del so perimetro e el xe insentrà da torno a ła so pì inportante sità, che ła xe anca ła so cavedałe Xenevra. El nome ufisiałe el xe République et Canton de Genève, e traduxesto el saria Repùblega e canton de Xenevra; cofà altri cantoni de ła Svisara (Novocasteło e Tisin), de fati, Xenevra ła se declara «repùblega e canton» de ła Confederasion Svisara.
El Canton el xe situà in tel estremo sud-osidentałe de ła Svisara e ła xe una de łe aree pì cosmopułite de ła nasion. Ła cavedałe, Xenevra, ła xe el sentro stòrego de ła reforma Calvinista, che ła ga na granda influensa inte ła sosietà del canton.
Comuni