Guglielmo Pepe

__HIDDENCAT__

'Ndà drento l'exercito da xovane, inte el 1799 el xe corso a Napułi a difexa de ła Republica Partenopea. Sconfito contro łe trupe borboniche del cardinal Ruffo, el xe sta ciapà e bandio in Fransa dove el xe entrà inte l'exercito de Napoleon distinguendose in parece bataje, sia al servisio de Giuseppe Bonaparte, re de Napułi, che de Gioacchino Murat. El ga ciapà parte ała rivołusion napołetana del 1820, e el xe sta batù a Rieti dai austriachi del generałe Frimont in queła che ła xe ricordà come ła prima bataja del risorgimento (7 de marso 1821). Poi el ga comandà el corpo spedìo da Ferdinando II contro i austriachi inte el 1848, inpegnandose inte ła difexa de Venesia che ła ghe zera sta dà da Daniele Manin inte el 1848 e 1849. Batù e bandio da novo el xe emigrà a Pariji dopo de che el xe rientrà in Itàlia pasando i so ultimi dì a Turìn.