thumb|Un sarezaro|sinistra
El sarezaro o sarezara o sarezer (Prunus avium (L.) L., 1755) el xe on àlbara da fruta de ła fameja de łe Rosaceae. El połe èsare alto dai 15 ai 30 metri, ła scorsa ła ze dura, ła sluxega e ła ga un cołor roso-grixo. thumb|left|Foja de sarezaro Ła scavejara de rame fisi e pieni de buti ła ga na forma de cono slargà. Łe foje łe xe longhe e ovałi, de 6 — 15 cm, co orlo iregołare a dentini de sega, verdi, co ła parte sora lùsida e cheła soto che se vede łe nervadure de ła foja. Cadauna ła ga un pégoło de 2 — 5 cm, a ła fin del cuało ghe xe, inte ła parte sora, do ghiandołete rose. thumb|left|Łe do ghiandołete rose sol pégoło de ła foja de sarezaro Da 2 a 4 — 6 fioreti i vien fora a corìnbo, co diàmetro de 2,5 — 3,5 cm insieme a łe foje, in apriłe - majo. El fruto (sareza o siareza) el xe roso scuro, tondo, co diàmetro de 6 - 25 miłimetri. thumb|200px|Fiori de sarezaro|sinistra Anbiente thumb|Sareze|sinistra El sarezaro el se trova in tuta Eoropa, dal Mediteraneo fin al 54° grado de latitudine nord e a est fin a ła linea Minsk - Kursk - Woronesch - Rostov.
El se trova anca in Turchia del nord, inte el Caucaso e in Iran del nord, ma el xe sta inpiantà anca in Nord Africa, in Sud Turkestan e inte l'Est del Nord America.
Łe sareze tìpeghe del Vèneto
Intrà i 349 prodoti agroałimentari tìpeghi par qualità e storia del Vèneto ghe xe anca łe sareze. Inte el partegołare ghe xe:
Łe sareze de Maròstega Łe sareze dei Cołi de Axoło Łe sareze dei Cołi veronexi Łe sareze dei Cołi Euganei Łe sareze durone de Cazan de Tramigna
Legno thumb|left|Legno de sarezaro El sarezaro xe un òtimo legno par far mòbiłi (tołe, careghe, credense) e pavimenti (Parquet).
Distiłai e licuori fati co łe sareze
In Zermania i distiła łe sareze par fàrghine na graspa dal bocado seco: in Foresta Nera i ła ciama àcua de sareze (Kirschwasser).
El cherry invese el xe un licuor dolse fato in Inghiltera.
Notasion
Altri projeti
Linganbi foresti
Categoria:Prunus