I gargati col consier xe un piato tipego del Alto Vixentin.
Par 4 persone ghe vol:
320 g de gargati
El consier:
500 g de carne mista( mas-cio, połastro, vedeło, manxo) 1 sioła 1 ciufo de parsémoło 1 rameto de rosmarin buro 1 goto de vin bianco verdure: in inverno: raicio de Trevixo e po articioki. in primavera: bruscandołi, po sparasi, bixi e pomidori in utuno: fonghi
Prima se cuxina a parte łe verdure de stajon. Se trita fina fina ła sioła e ła se desfriza in na farsora co un fià de buro, el parsemoło e el rosmarin, se ghe versa rento ła carne trità a toki grosi, se xonta el vin e se fa svanpir. Se xonta łe verdure. Se cuxina i gargati (30 minuti) e i se buta 'nteła farsora del consier co un fià de acua de cotura e se salta ła pasta un fià de olte.
Categoria:Cuxina veneta Categoria:Pasta