Ła Juventus Football Club S.p.A. o pi senplisemente Juventus o Juve l'e na scuadra de bałon de ła cità de Turìn. Ła ze stada fondada inte'l 1897 da un pochi de studenti de Turìn e ła ze senpre stada in Serie A, fora che inte ła stajon 2006/2007 che ła ghe ha tocà ndar in Serie B par via de "Calciopołi" anca se ła gavéa vinto el canpionato de l'ano prima in Serie A. Ła ze tornada su suito vinsendo el canpionato de Serie B, ciapando anca a copa "Ałe de ła Vitoria" (prima edision). In Itàlia ła ze cueła che ła ga vinsesto de pi co 34 scudeti (che i sarìe 36 contando cuełi revocadi: 2005 e 2006), 13 cope Itałia, 7 suparcope italiane, una copa Ałe de ła Vitoria e tra cuełi intarnasionałi 2 cope intarcontinentałi, 2 cope dei canpioni, una copa de łe cope, 3 cope UEFA, 2 suparcope UEFA e una copa Intertoto.

Ła Juve o "vecia Siora" o "moroza d'Itałia" łe ze ła scuadra co pì tifozi in Itàlia e ła ghe ne ga arcuanti anca in tuto el resto de'l mondo. Fin dai ani vinti ła ze łigada a ła fameja Agnelli e ła ga zogàd da'l 1930 inte'l stadio "Comunałe" dopo dedicà a "Vittorio Pozzo", da'l 1990 dopo i mondiałi italiani ła ze ndà a'l "de łe Alpi" e da'l 2006 ła zoga inte'l vecio comunałe che ades el se ciama "Ołinpico" par via de łe Ołinpiadi invernałi de'l 2006. Dove che l'jera el "de łe Alpi" ades ij'e drio costruir ła nova Juventus Arena ciamada "Allianz Stadium" (e no pi Juventus stadium) . El sinboło de ła scuadra ła ze na Zebra. Inte'l canpionato 2017/2018 ła ga vinsesto el scudeto.

Dal 1923 ła Sosietà ła ze stà łigà a ła fameja Agnelli deventando cusì el primo ezenpio de sodałisio taliàn sportivo a łeveło inprenditoriàl. La Juve l'è deventà ła prima Sosietà sportiva rivar a'l profesionizmo in Italia, e in Eoropa a vinser tute tre łe mazori conpetision continentałi, cuesto inte l'ano 1985, ła Champions League (Copa dei Canpioni) , Copa de łe Cope e Copa UEFA e ła Copa Intertoto. Inte i segondi ani '90, ła se ga pozisionà intrà i primi dieze club inte'l mondo in canpo finansiario. Da'l 2001 ła ze entrà in Borsa. Inte'l 2001 ła ze stà inserìa da ła FIFA a'l sètemo posto prima itałiana, inte ła clasifega dei megio cleb inte'l mondo. Inte'l 2009 mejo scuadra de'l Paeze e segonda in Eoropa, drìo el Real Madrid de'l vintèzemo sècoło.

Storia

L'ano de ła nassita del Sport-Club Juventus xe stà el 1897, in autuno. Fondà so' inisiativa de un grupo de studenti del liceo classico Massimo d'Azzeglio ; tra łòri i fradèłi Eugenio Canfari e Enrico Canfari. Tre ani drìo el club se ga iscrito par la prima volta al so primo canpionato nasionàłe. Inte el 1905 ga vinto el so primo titoło a livèło nasionàl. L'ano drìo el prexidente sguìsaro Alfred Dick, dopo alcune discusion de spogiatoio ga dovesto łasàr e co un grupo de soci ga creà el Football Club Torinese o sia el Torino Football Club, da dove xe rivà l'orìxene del Derby de ła Mołe e da quel momento ła Società ga avùo na serie de problemi finansiari e sportivi che ga menà ła scuadra debòto in retrocesion, questo inte ła Promosion "1912-1913".

Dopo ła prima guera mondiàl la Juventus ga riciapà vigor co prexidente Giuseppe Hess e Corrado Corradini, mejorando ła so poxision in canpionato e scomissiando a darghe i primi xogadori a ła Nasionàl de calcio de l'Italia. El 24 lujo 1923 Edoardo Agnelli xe deventà prexidente de ła Società torinexe, xe rivà un primo ałenator profesionista da l'Ongarìa, Jenő Károly , e ga otegnùo ła vitoria del secondo scudeto in canpionato inte ła staxon 1925-26.

Tra el 1930-31 e el 1934-35 ghe xe stà el primo ciclo de vitorie, grasie anca a xogadori cofà Giovanni Ferrari, Raimundo Orsi, Luis Monti, e el trio de defexa Combi-Rossetta-Caligaris, rivando sinque scudeti uno drìo l'altro, e col ragiungimento par quatro ani consecutivi de semifinałi de ła Copa d'Europa Centrale, l'ałenator de ła scuadra par quatro de łe sinque stagión xe stà Carlo Carcano. Un gran numero de sti zogadori co ła nasionałe taliàna ga partecipà a ła Copa Internasionałe e in tel canpionato mondiałe 1934 vinsendo. La premaùra morte de Edoardo Agnelli capità in tel 1935 fraxa co l finìr del cussìdito Quinquenio d'oro. A ła fin del periodo de guera xe rivà comunque ła prima Copa Italia dei bianconeri in tel 1938.

Inte el secondo dopoguera soto ła prexidensa de Gianni Agnelli e drìoman de so fradèło Umberto ła Juventus xe tornà a ła ribalta conosendo un secondo ciclo de vitorie, grasie anca a l'arivo de Omar Sívori e John Charles, che co Giampiero Boniperti ga formà el «Trio Magico. Inaxónta, in tel 1961 Sívori xe deventà inte el 1961 el primo xogador proveniente da ła Serie A a vinser el Bałón d'oro.

In tel 1971 Boniperti xe deventà prexidente del club e ell so primo scudeto zera rivà suito a ła so prima stagión, inte el 1971-72, bisà da queło sucesivo del 1972-73: xe stà i primi de un terso ciclo de vitorie inte i quindèxe ani drìo, soto ła guida tecnica daprima de Čestmír Vycpálek, po' de Carlo Parola e a ła fin de Giovanni Trapattoni, ga portà a Torin nove scudeti, do Cope Italia e vitorie internasionałi che ga fato de ła Juventus ła prima a vinsert tute łe conpetision de l'UEFA e, a seguir, la prima al mondo a conquistàr tute łe competision uficiałi par club.

In particołar in tel 1977 xe arivà ła prima vitoria internasionałe in Coppa UEFA, co xe finìa na finałe viva contro i spagnołi del Bilbao (). El titoło ne ła Copa dei Canpioni 1984-85, conseguìo a Bruxelles el 29 magio 1985 so' el Calcio Liverpool sirca un ano dopo ła vitoria da inbatùa in Copa de łe Cope, xe stà invese scurìo da gravi incidenti pre-gara xenerà dai hooligan inglexi che ga portà a ła morte de 39 spetatori. El scudeto vinsesto inte el 1986 ga serà el decènio de Trapattoni: durante ła so gestión conplesivamente 9 ełementi de ła Juventus ga xogà inte ła nasionałe taliàna al canpionato del mondo de e 6 in quèła che se ga laureà canpión inte l'edision sucesiva de .

Tramontada ła generasion de xogadori che gaveva formà l'ase portante de ła scuadra, ła Juventus ga afrontà un periodo de nove ani sensa rexultadi in canpo nasionałe, anca se a Torìn xe rivà na Copa Italia (1990) e do Cope UEFA (1990 e 1993). In tel 1994 rivà Marcello Lippi a ałenàr xe stà el prełudio al quarto ciclo de vitorie dei bianconeri: in dièxe staxon — col travàło de do ani de interegno de Carlo Ancelotti, che ga vinsesto ła Copa Intertoto — ła scuadra ga fato so sinque scudeti e una Copa Italia, raxonxendo quatro finałi de Champions League vinsendo quèła del 1996 a Brussel e conquistando na Copa Intercontinentałe, na Supercopa UEFA e quatro Supercope de Liga.

Cołóri e sìnbołi Ła divìxa de xógo de ła Juve xe na màja a strìche verticałi bianche e negre, tradisionalmente abinàda a braghéte e calsetoni bianchi. Ła divìxa dei exordi adotàda intra el XIX e XX sècoło jera invése conposta da na camìxa roxa (abinàda a sielta co croàta o pavegéta) e braghe negre. Drìoman, a cauxa dei frecuenti łavagi el roxa ga descołorìo in maniera talmente patòca ch'el n'ha decixo el canbio.

In tel 1903 xe stà dimandà da l'inglexe Savage (tra i membri de ła società) de sercàr in tel so Paexe un kit da xógo più adato e che rexistese a l'uxura. Savage gaveva un amìgo de Nottingham tifoxo del Notts County, ła cui maja xe a strìche bianconere: par tałe raxón xe stà mandà a Torin un set de uniformi anałogo a queło uxà dai Magpies.

Sìnbołi uficiałi

Stèma

Ino L'ino ofisiałe de ła Juventus — el quìnto inte ła del club — xe Juve (storia di un grande amore), scrito da Alessandra Torre e Claudio Guidetti, inte ła version del cantante e muxicista emilian Paolo Belli conposta in tel 2007. Tra quèłe conposte dai artisti più conosùi fegura Juvecentus, opàra de Pierangelo Bertoli in tel 1997, in ocaxión del sentèxemo aniversario de ła fondasion del club.

Canpionato 2018/2019 El mercà del 2018 sarà ricordà dai tifoxi par l'aquisto de Ronaldo, xogadór portoghexe più forte al mondo che durante ła note de ła finałe Champions Juve-Real Madrid del 2017 vinta dal Real. A inìsio del mercà infati co gran maravegia el prexidente Andrea Agnelli va personalmente a tor el novo xogadór, che scominsiarà co ła maja bianconera ła so nova aventura italiana. La prima partìa xogà co el Chievo vede ła scuadra torinexe in svantagio a sorprexa ma ła partìa finise 3 a 2 par la Juve, qualche bona xogàda de Ronaldo, ma nisun gol. Ne ła partìa co ła Lazio al Juventus Stadium, ła scuadra romana se rende pericołóxa, ma a ła fin vinse 2 a 0 la Juventus co Pjanic e Mandzǔkić. Ronaldo xoga boni bałóni, ma i tifoxi dovarà spetàr oncora prima che el fasa gol. Co el Sassuolo riese a segnàr Cristiano Ronaldo i so primi do gol, inte i ultimi minuti segna el Sassuolo, e Douglas Costa dopo aver dà na comiàda e aver spuà a un xogador vien slontanà dal canpo risciando sinque xornàe. In Champions vinse 2 a 0 co el Valencia e Ronaldo fa el so primi do gol dopo el rigor de Pianjc, ma vien espełesto in seguito a un scontro. Co el Frosinone la Juve vinse co un gol de Ronaldo al 81 e Bernardeschi al 94' Dybala e Matuidi decide la partìa xogà a l'Allianz Stadium co el Bologna. Dopo un gol de Martens del Napoli al 10', la Juve grasie anca al xogo de Ronaldo, riese a rebaltàr el rexultado a so favor vinsendo 3 a 1 co do gol de Mandzǔkić al 26' e 49 e un altro de Bonucci al 76'. In caxa co el Genoa, la Juve va a segno co Ronaldo al 18' e po' el Genoa paregia al '67 co Daniel Bessa. Manchester United - Juve finise 0 a 1 co gol de Dybala. Segna Francesco Caputo de l'Empoli al 28' ma Ronaldo trova un rigór al 54' e fa un altro gol al 70'. Co el Manchester segna un gol Ronaldo al 65', a l' 86' Juan Mata a l'86', e a l' 89' Leonardo Bonucci segna l'autogol. Ronaldo segna al 28' e Mandzukic segna al 60' el secondo gol co la Spal. Mandzukic ga segnà co el Valencia, so pasajo de Ronaldo al '59. La Juve vinse 3 a 0 sol canpo de ła Fiorentina, Rodrigo Bettancur al 31', Giorgio Chiellini al 69', Cristiano Ronaldo al 79' so rigór. L'Inter a Torin zoga megio al primo tenpo e inte el segondo segna Mandzukic al 66' par la Juve. In Svisera ła scuadra dei Joung Boys va in vantagio par 2 a 0 ma Dybala scursa. I gol sviseri de Guillaume Hoarau al 30' so rigor, e al 68', Dybala al 80', Ronaldo no riese a segnàr un gol. Secondo gol de Dybala anułà par foraxogo al 90+4. In un derby de Torin conbatùo, segna Cristiano Ronaldo al 70' so rigor. A Bergamo la scuadra bianconera sofre e al 24' e al 56' segna Zapata, dopo el autogol al 2' de Djimsiti, Cristiano Ronaldo segna al 76' co ła testa , al 53' vien espełesto Rodrigo Betancur. Co ła Sampdoria finise 2 a 1 Cristiano Ronaldo segna al 2' e al 65' so' rigor, Fabio Quagliarella al 33' so rigor. Ne ła partìa de Copa Italia co el Bolgna in a Bołogna segna Bernardeschi al 9', Moise Kean al 49'. La Juve vinse 1 a 0 a Dubai co el Milan par la Supercopa Italiana, e segna Ronaldo de testa al 61'. 3 a 0 co el Cèo "Chievo" a Torin, Douglas Costa al 13', Emre Can al 45', Daniele Rugani al '84. La partìa a Roma xogada co la Lazio mostra na scuadra in dificoltà inte el primo tenpo co i romani va in vantagio co Emre Can al 9' so Augotol, inte el secondo tenpo so xogo de Dybala Cancelo fa pata al 74' e Cristiano Ronaldo a l'88 segna el gol de vitoria. L'Atalanta vinse stradomina co i bianconeri vinsendo 3 a 0 in Copa Italia e pasa el turno. Segna Castagne al 37', e Zapata al 39' e a l'86', scuadra bianconera sensa Chiellini e Bonucci. In caxa col Parma la partìa finise 3 a 3, co gol de Ronaldo al 36' e 66' e Rugani al 62', Antonio Barilla al 64' e Gervinho al 74' e 90+3'. Col Sassuolo a Sassuolo segna Kedhira al 23', Cristiano Ronaldo al 70', Emre Can al 86'. A Torin co el Frosinone finise 3 a 0 Dybala al 6', Bonucci al 17', Cristiano Ronaldo al 63'. In Champions League a Madrid la Juve perde 2 a 0 co gol de Giménez al 78' e Godin al 83', inte el primo tenpo un bel tiro de Ronaldo, inte el secondo l'Athletico xe stà più perìgołoxo, se decidarà tuto a Torin. Co el Bologna ne ła sità emiliana, ha segnà Dybala al 67'.