El cervo el xe un mamifero artiodatiło de ła fameja dei Cervidi (Cervus elaphus). El nome todesco xe Hirsch, keło inglexe deer, keło sloveno jēlen. Anca in italian se dixe cervo. thumb|left|Un cervo mas-cio Dałe nostre parti el vive in Sud-Tiroło, in Trentin, suła montagna veneta bełunexe e vixentina (Altopian dei sete comuni, Laste, Val Posina e Val de Laghi); Friuli (Carnia). Alto, inte i mas-ci, fin a 2 metri, e longo anca do metri e mexo, el pexa dai 80 ai 150 kiłi; łe femene łe riva de rado a esar longhe 2 metri e łe pexa al masimo 100 kiłi. thumb|Na femena de cervo|sinistra El cołore del peło xe bruno-roso d'istà e grixo-bruno d'inverno, 'ntełe femene sti cołori i xe pi ciari, inte i picołi el cołor xe bruno-roso co mace bianche ke łe va via quando ke i crese. I mas-ci ga i corni (ke se ciama palki): i vien fora al primo inverno e i xe coverti da na pełe piena de vasi sanguigni, ciamà veludo, ke in lujo ła se fa dura e ła diventa de oso. Al 2° ano de vita sucede na decalcificasion de ła base dei palki, ke i casca xo al primo colpo ke i ciapa. 230px|thumb|left|Come ke crese i corni col pasar dei ani Ogni ano se va vanti cusì, coi corni ke crese e dopo i casca. I primi i xe curti (70 cm), ma 'ndando vanti i pol rivare a esar longhi anca un metro e trenta.
El cervo in cuxina Cervo in tocio col sełeno de Verona
Note
Categoria:Mamìferi Categoria:Cuxina veneta