Ła sanpierota o "sampierota" ła ze na inbarcasion che ciapa el só nome da San Piero in Volta, uno de i paezi de l'izoła łitoranea de Pełestrina. Ła ze na inbarcasion a fondo piato in łenjo tìpega de ła tradision łagunar veneta. Ła deve łe só orìzeni come barca da utiłizar soratuto par ła pesca łagunar, ła pol esar spenta a remi da do remadori (uno a pope e n'altro a prova) o sanò da uno soło a pope (co un remo, o co do remi inte ła voga dita a ła "vałezana"), da un picoło motor forabordo (normalmente co un màsemo de 9.9 cv), o sanò a veła, armada a'l "al terso". In 'sta configurasion l'armo vełico el pol èsar a só volta conposto da ła veła méstra (ła randa) isada su l'albaro méstro, cui fiancarghe un fiòco armà in testa d'àlbaro, o sanò un "veła de trincheta" isada su l'àlbaro de trincheta (su'l trasto de prova).
Se trata de na evołusion de'l sàndoło; ła só łinea ła recorda cueła de ła topa ma respeto a 'st'altra ła ze più curta, łarga e basa de bordo. Ła ga ła prova èrta e anpia par megio frontar łe ónde inte łe boche de porto.
Ła só costrusión ła ze più sénplise respeto a cueła de ła topa, in cuanto el scafo el ze reałizà seguindo ła natural ełastisità de łe tołe de łenjo, sensa bezonjo de recorer a forme e piegaùre a fogo.
Voze łigàe Inbarcasion venesiane
Categoria:Inbarcasion venesiane