El Ponte dei Tre Archi el ze uno de i mazori ponti de Venesia, insieme a'l Ponte de łe Gułie e dopo i cuatro ponti su'l Canal Grando (Ponte de Rialto, Ponte dei Scalsi, Ponte del'Academia e el Ponte de ła Costitusion. El se cata inte'l sestier de Canaregio.
El ponte de i Tre Archi el traversa el Canal de Canaregio a l'insirca a metà de ła só longhesa e'l ze caraterizà da na strutura a tre arcàe, do łaterane de picołe dimension e n'altra sentral de grande dimension.
El ze restà l'ùnico ezenpio de ponte venesian a tre arcàe el ga perso el nome de orìzene che'l zera ponte de Sant'Agiopo. In pasà ghe zera seguramente altri ponti venesiani co 'sta strutura; par ezenpio inte'l XV sècoło zera a tre archi anca el ponte de San Lorenso inte'l sestier de Castèło, come documentà inte el dipinto de Gentile Bellini Il miracolo della croce a San Lorenzo esposto arénte łe Gałarìe de l'Academia.
Senpre in epoca pasada el ponte, come tuti i ponti venesiani, no'l gaveva łe spałete de protesion e indotà de scałini un mucio più łonghi e più basi, caratarìsteghe che łe ghe conferiva na partegołar ełegansa come documentà da łe stanpe de'l parìodo G. Perocco, A. Salvadori, op.cit, Illustrazione n.285, pag 245.
El ze stà restorà verso ła fine de i ani setanta de'l XX sècoło.
Note
Bibliografia G. Perocco; A. Salvadori, Civiltà di Venezia, Vol. 1 (in italiano), Venezia. La Stamperia di Venezia, Editrice, 1977.
Altri progeti
Łigamenti foresti Sito uficiałe de łe Gałarie de l'Academia, Venesia Ponte dei Archi Gałarie de somegie del Ponte dei Tre Archi El ponte dei Tre Archi come ch'el xe Sito che parla del Ponte dei Tre Archi
Tre Archi