El Reno (in romancio Rain, todesca Rhein, fransexe Rhin, ołandexe Rijn) el xe un fiume de l'Eoropa sentral.
Zeografia fixega Idrografia miniatura|sinistra|Confluensa dei do rami sorgentiferi in Canton Grixoni. El nase inte ła Svìsera da ła confluensa de do rami sorgentiferi: Reno Anterior co orixene inte el Masiso del San Gotardo, e Reno Posterior co orixene inte el Grupo de l'Adula. El atraversa el Łago de Costansa e a monte de Baxiłea el vien interoto da na serie de cascae. Dopo el score verso nord, faxendo da confine intra Fransa a ovest e Xermania a est. Dopo el Masicio Scitoxo Renan el riseve łe acue de Neckar, Meno, Lahn e Ruhr da drita e de ła Moseła da sanca. Inte łi Paexi Basi el forma un delta anpio e inrigà rente de butarse inte el Mar del Nord: el ramo prinsipal el xe el Waal-Meerwede che riseve łe acue de ła basa Mosa, un altro ramo el xe el Lek-Nova Mosa che pasa par Roterdam.
Zeografia umana Inportansa miniatura|sinistra|fiume in Renania-Palatinà. El Reno el xe na inportante via de navegasion utiłixada sin dal medioevo; el pol eser parcorso da peatein itałian chiatte de gran portada sin a Strasburgo, e de mèdia portada sin a Baxiłea. Na łonga serie de porti sia maritirmi che interni ła xe ałineada sol so corso e costituise ła arteria vidal de una de łe rejon pì industriałixae del mondo.
El xe cołegà co canałi artifisiałi a ła Marna, el Rodano, el Danuvio, el Vexer, el Ems e ła Elba.
Łongo el so trato sentral, par ła bełesa dei paesaji se ga desviłupà ła industria turistega.
Note
Categoria:Pàjine co erori inte łe mape