I Priuli i xe na antiga fameja patrizia de la Republica de Venexia.
Ritegnua de orisene ongara, i xe zonti a Venexia cofà imbassadori par 'po stabilirvese definitivamente. Ametui al Mazor Consejo, i xe stai esclusi dopo la Serata del Mazor Consejo del 1297, ma i xe stai riassunti inte el 1310 par essarse distinti contra la conzurazion del Tiepolo. I xe montai a la soja dogal par tre volte.
De notevole importanza stratesega e comercial xe la via Priula, che la xe stada costruia intra el 1592 e el 1593 par ordene del podestà de Bergamo, Alvise Priuli, par coligare Bergamo a Morbegno
Alguni personazi ilustri i xe:
Lorenzo Priuli, (Venexia, 1489 – Venexia, 17 agosto 1559) el xe stà l'82º dose venexian. Girolamo Priuli, (Venexia, 1486 – Venexia, 4 novembre 1567) el xe stà l'83º dose venexian. Antonio Priuli, (Venexia, 10 maggio 1548 – Venexia, 12 agosto 1623) el xe stà l'94º dose venexian. Zuane Priuli, (Venexia, 1575 - Viena, 1629) compositor. Stà organista in San Marco a Venexia el ga composo madrigai pitosto prezzai.
Categoria:Storia della Val Camonica