Amici di Maria De Filippi ("Amixi de Maria De Filippi") o anca soło Amici ("Amixi") l'é un talent show tełevisivo italian in onda sui canałi Mediaset (prima Italia 1 e dopo Canale 5) dal 2001cfr. Grasso, Aldo - Scaglioni, Massimo, Le Garzantine - Enciclopedia della Televisione, Garzanti, Milano, 2002, p. 642 (inissialmente col titoło de Saranno Famosi) e presentà da Maria De Filippi e da Luca Zanforlin. Autori del programa i xe Maria De Filippi, Luca Zanforlin, Federico "Chicco" Sfondrini, Mauro Monaco e Peppi Nocera.

El programa el vien registrà a Roma, inte i studi de Cinecittà.

Dal programa xe ussìi toxi diventai poi cantanti famosi come Marco Carta, Valerio Scanu, Emma Marrone (vinçidori del Festival de Sanremo inte el 2009, 2010 e 2012) e Alessandra Amoroso.

Formuła del programacfr. Amici di Maria De Filippi - Sito uficiałe: Come eravamo > Insegnanti El programa se presenta come na sorta de scoła, dove vien insegnà el canto e el bało (na volta anca reçitaxión). Łe lexión le vien impartìe da professionisti de ła materia, come ła cantante Grazia Di Michele, el diretore d'orchestra Giuseppe Vessicchio e i produtori discografici Mara Maionchi e Rudy Zerbi pal canto, e Garrison Rochelle, Steve La Chance (che no el fa pì parte del cast), Alessandra Celentano (ła nevoda de Adriano Celentano) e Luciano Cannito pal bało. Ła reçitaxión vigneva invesse insegnà, tra i altri, da l'atrice Fioretta Mari.

I toxi che partecipa al programa, come in altri reality show, i vien seguìi costantemente da łe tełecamere (ma soło durante l'orario de łe lexión).

El programa se svolge in do fasi: inte ła prima fase, i "studenti", par 'ndar vanti, i ga da sostegnere dei esami e i połe essere anca mandai via dai so' insegnanti opure i połe essere sfidà da dei concorenti "esterni" a ła "scoła" che i aspira a ciapare el so' posto; ła seconda fase, ciamà ła fase "serałe", ła prevede invesse che, na volta a ła setimana, vegna eliminà uno o do concorenti (de sołito col sistema de łe nomination opure col tełevoto), finché no i resta in 3 o 4 concorenti, che i se xuga ła vitoria finałe ne l'ultima puntata. Dal 2006, i toxi i xe divisi in squadre: inte ła fase inixiałe l'esito de ła sfida a squadre determina chi che ga da 'ndare in sfida, inte ła fase finałe chi che ris-cia de vignere nominà e de 'ndare diretamente casa. Ła gara a squadre no se ga disputà inte ła fase "serałe" de l'edixion 2011/2012.

Da l'edision del 2010/2011 a l'edision del 2011/2012, ghe xe stà do vinçidori, uno pal canto e uno pal bało. Inte l'edixion 2011/2012, inte ła fase serałe xe stà xontà ła gara dei cosideti "big", o sia dei toxi che gaveva parteçipà inte łe preçedenti edision e che dopo ga 'vudo suceso inte el mondo de ła mùxica.

Vinçidori de łe varie edisioncfr. Amici di Maria De Filippi - I vincitori di tutte le edizioni, in: Gossip pour femme. 2001/2002: Dennis Fantina 2002/2003: Giulia Ottonello 2003/2004: Leon Çino 2004/2005: Antonino Spadaccino 2005/2006: Ivan D'Andrea 2006/2007: Federico Angelucci 2007/2008: Marco Carta 2008/2009: Alessandra Amoroso 2009/2010: Emma Marrone 2010/2011: Virginio Simonelli (canto) / Denny Lodi (bało) 2011/2012: Gerardo Pulli (canto) / Giuseppe Gioffrè (bało) / Alessandra Amoroso (categoria big) 2012/2013: Moreno Donadoni 2013/2014: Deborah Iuratocfr. Amici 13, vince Deborah Iurato , in: La Stampa. 2014/2015: The Kolors 2015/2016: Sergio Sylvestre 2016/2017: Riccardo Marcuzzo 2017/2018: Irama 2018/2019: Alberto UrsoAmici 2019: Alberto Urso ze il vincitore assoluto della diciottesima edizione su ComingSoon.it. 2019/2020: Gaia Gozzi"Amici 19", Gaia batte Javier all'ultima sfida e trionfa so TGcom24. 2020/2021: Giulia StabileGiulia vince "Amici 2021": in finale ha battuto Sangiovanni (il suo fidanzato) so Il Corriere della Sera. 2021/2022: Luigi StrangisChiara Maffioletti, Chi è Luigi Strangis, vincitore di "Amici": "Maria mi ha fatto crescere. Sanremo? Non ho fretta di andarci" so Corriere della Sera. 2022/2023: Mattia ZenzolaAmici 2023, il vincitore è Mattia Zenzola so Sky TG24. 2023/2024: Sarah ToscanoAndrea Pascoli, Amici, vince Sarah. La cantante trionfa nella 23ª edizione del talent so la Repubblica. 2024/2025: Daniele Doria 2025/2026: Lorenzo Salvetti

Note

Łigamenti foresti Amici di Maria De Filippi - Sito uficiałe

Categoria:Programi tełevizivi italiani