thumb|right|300 px|Anburgo: ła Reeperbahn thumb|right|300 px|Un sexy shop neła Reeperbahn Ła Reeperbahn (pron.: /'re:pɐ:Rba:n/) ła xe na conosua via a luxe rose de Anburgo, in Germania, situà in tel cuartiero de St. Pauli, in tel distreto (Bezirk) de Hamburg-Mitte.
Ła via ła se ga sviłupà a partire dai ani sesanta del XX secoło cofà logo de divertimento par i marinari che rivava in tel porto de Anburgo.cfr. Altrogge, Gudrun, Hamburg, ADAC Verlag, München, 2005, p. 70
Etimołoxia El nome "Reeperbahn" vołe dire letralmente "via dei cordai" e el fa riferimento a on tipo de corda par marinari che ła se fabricava inte ła xona e che in baso-tedesco vien ciamà reep.
Ła via ła xe comunemente soranomenà "Kiez", on termine che el se rifarise a on cuartiero de na sità grandacfr. http://de.wiktionary.org/wiki/Kiez, o anca "Die sündige Meile", o sia "el mijo pecaminoxo"cfr. Reeperbahn.co.uk: General infos .
Ubicasion Ła Reeperbahn se xe a nord dei St. Pauli-Landungsbrücken, i embarcarderi de St. Pauli e imediatamente a ovest de ła Millerntorplatz e a sud-ovest de el Heiligengeistfeld, ła xona dove par 6 mesi a l'ano ghe xe on luna park in ocaxion del Hamburger Dom e dove che se połe catare anca el Millerntor-Stadion (ex- Wilhelm-Koch-Stadion), el stadio andove che xuga el FC St. Pauli, ła segonda scuadra de bałon de ła sità.cfr. Altrogge, Gudrun, p.72 Se połe catar davanti a ła Reeperbahn anca ła Spielbudenplatz, ła piasa co el St. Pauli-Theater, e ła Hans-Albers-Platz, ła piasa dedegà a Hans Albers.
Descrision Inte ła via, che ła xe longa 600 metri, no se cata soło sexy shop e locałi andove se fa el snudareło (estriptis), ma anca bar, discoteche e caxinò.
Łe case de apuntamento no łe se cata inte ła Reeperbahn, che xe ła via prinçipałe del cuartiero a luxe rose de Anburgo, ma in na picoła via laterałe, la Herbertstraße, na via sorvejà da ła połisia e che ła xe interdeta a łe done e ai òmani soto i dixdoto ani.cfr. Altrogge, Gudrun, p.75cfr. Reeperbahn - Sito uficiałe: Herbertstraße cfr.Garske, Kyra, Herbertstraße – Or forbidden zone for women , in: Spotted by Locals Sto fato diferensia sostansialmente el cuartiero a luxe rose de Anburgo dal cuartiero a luxe rose de Amsterdam "De Wallen".
N'altra famoxa laterałe de ła Reeperbahn xe ła Große Freiheit (leteralmente: "Granda libartà"), na via dove che se cata dei locałi de mùxega e dove che i gaveva fato i primi pasi, tra i altri, i Beatles (al nr. 36) e Mino Reitanocfr. Biografie Online: Mino Reitanocfr. Anselmi, Eddy, Festival di Sanremo. Almanacco della Canzone Italiana, Panini, Modena, 2009, p. 867cfr. Reitano: " io cantavo con i Beatles ", in: Corriera della Sera , 11 de otobre 1992cfr. Reitano: «Due anni con i Beatles tra rock, würstel e dialetto calabrese», in: Corriera della Sera , 1 de majo 2007.
Note
Varda anca Prostitusion Caxin
Altri projeti
Linganbi foresti
Reeperbahn - Sito uficiałe Die Reeperbahn auf einen Blick Reeperbahn, Your Guide to Reeperbah Reeperbahn su Hamburg.de Geschichte der Reeperbahn su Tivoli.de
Categoria:Anburgo Categoria:Sesuałità