El Novo Mèsego da el 6 de zenaro 1912, el kostituise el 41° Stato dei Stati Unii de Amèrica; el ze el 36° Stato pi' popołozo e el 5° pi' estendesto de i USA.

El se kata inte ła parte sentro meridional de i Stati Unii, intra łe Montañe Rocioze a ovest e łe Pianure Grandein ingleze Great Plains a est. El konfina ko sincue Stati, prosedendo da est in senso orario: Arizona, Iutah,, Kołorado, Oklahoma, Teksas.

Zeografia fizega El teritorio el ze in bona parte montañozo, el se estende da na altitudine masima de 4013 m a na altitudine minima de 867 m inte łe parti pi' base a est e sud. Al sentro el ze traversà da kadene montañoze ko andamento nord-sud: Siera de el Diavołoin spañoło Sierra del Diablo, koñosua anka kofà Black Range in ingleze a sudovest, Munti Sangre de Kristoin ingleze e spañoło Sangre de Cristo, Siera de el Sakramentoin spañoło Sierra del Sacramento e Monti de Guadalupein spañoło Sierra de Guadalupe a est. A sudest el se kata el altipian de el Łano Estakadoin spañoło Llano Estacado. Łi fiumi pi' inportanti łi ze el Rio Bravoin spañoło Río Bravo, koñosuo anka kofà Rio Grande in ingleze e el Pekosin spañoło Río pecos ke łi skore verso sud, el Kanadianin ingleze Canadian River ke el skore verso est, el San Huanin ingleze San Juan River e el Hiłain ingleze Gila River che łi va a ovest.

El klima el pasa da arido a semiarido.

Zeografia umana Ła sità piasé granda ła ze Albùkerke, ke inte el 2011 ła gaveva 552 804 abitanti, altre sità inportanti łe ze Las Kruces, Rio Rencoin ingleze Rio Rancho e ła cavedal Santa Fede.

Se koltiva inte łe zone irigae sereałi e patate; tanto difondesto el ze el ałevamento de bovini e ovini. Se estrae karbon, rame, oro e petrołio.

El setor tersiario de ła ekonomia el ze el pi' inportante, in partikołar se ricorda el turizmo.

Połitega El Stato el ze rapresentà a ła Kamera de i Rapresentanti da tre deputai.

Ła pena de morte ła ze stada abołia.

Gałeria de someje

Notasion

Varda anca Socorro

Altri projeti

Categoria:Stati dei Stati Unii de l'Amèrica