Ła Buriàsia o Repùblega dei Buriati ła ze una Repùblega autònoma de ła Federasion Rusa. Ła se kata inte ła Sibèria meridional, intra i Saiani Orientałiin ruso Восточный Саян a sudòvest, el łago Baikal a òvest, el Altipian Stanovoiin ruso Становое нагорье a nord e ła kadena dei Munti Iablonoviin ruso Яблоновый хребет a sudest.
Zeografia fìzega El teritorio el ze prevałentemente montañozo, traversà da na sèrie de kaene ko andamento sudòvest-nordest (kaene de el Baikalin ruso Байкальский хребет, de Hamar-Dabanin ruso Хама́р-Даба́н, de Ulan-Burgasin ruso Улан-Бургасы, de Barguzinin ruso Баргузинский хребет, de Ikatin ruso Икатский хребет).
Ła ze perkoresta da i fiumi Sełengain ruso Селенга́, IPA [sʲɪlʲɪnˈɡa]ke el ze el major imisàrio de el łago Baikal, Vitimin ruso Витимafluente de ła Łéna e da i so afluenti; tanti de sti fiumi i ze navegabiłi.
Ła ga el klima de tipo kontinental ko inverno suto, ke indando verso sud el pasa a stèpego ko łe istà ùmide; ła ze koverzesta prinsipalmente da ła tàiga ma indando verso sud se kata anka ła stepa.
Zeografia umana I Buriati i ze sirka el 50% de ła popołasion. Ła popołasion ła ze de rełijon ortodosa e budista. El kaołogo Ulan-Ude el ze un inportante gropo feroviàrio so ła Transiberiana, ko deramasion par ła Mongòlia.
Se pratega el ałevamento. Se desfruta risorse mineràrie de tungsten, fero, grafite, oro, mołibden, rame e šisti bitumenozi. Ge ze indùstrie metałùrzege, de el vero, de el leño e ałimentari.
Gałeria de someje
Notasion
Altri projeti
Linganbi foresti
Categoria:Repùbleghe de ła Rùsia