Ła Peggy Guggenheim Collection ła ze un muzèo so'l Canal Grando a Venesia co sede a Pałaso Venier de Leoni, fasente parte de ła Solomon R. Guggenheim Foundation.
Rancurando prensipalmente ła cołesion d'arte moderna de Peggy Guggenheim (1898-1979), ex-muger de l'artista Max Ernst e nesa de'l manjate Salomon R. Guggenheim, 'sto muzèo, na volta anca abitasion privada de Peggy Guggenheim, el rancura na cołesion in un serto senso più picenina e più consentrada de cueła de i altri muzèi Guggenheim. Ad onji modo i łaori esponesti i include serti ezenpi perminenti de'l modernizmo 'merican e de'l Futurizmo itałian. Ła cołesion, par zonta, ła rancura òpare cubiste, sureałiste e de Espresionizmo astrato. Cueste łe zonta anca łaori conosùi de gran rimarco de Picasso, Salvador Dalì, René Magritte, Brâncuşi (incluza anca ła scultura da ła serie Bird in Space) William Congdon, Conrad Marca-Relli e Pollock. Conpleta e de partegołar prezio ze anca ła cołesion de astratizmo informałe itałian, co inportanti łaori de Lucio Fontana, Afro Basaldella, Agostino Bonalumi, Toti Scialoja, Giuseppe Santomaso, Tancredi Parmeggiani, Emilio Vedova e Carla Accardi.
Ła só òpara più sełebre ła ze el bronzo de'l 1948 L'angelo della città de Marino Marini, che'l se cata danansi a'l pałaso Venier de i Leoni, dove che ghe ze anca el muzèo.
La Peggy Guggenheim Collection ła ze uno de i prinsipałi muzèi itałiani inte'l canpo de l'arte eoropèa e statunitense de ła prima metà de'l ventezimo sècoło.
El diretor atuałe de'l muzèo el ze Philip Rylands.
Fìn al 1979, ano inte'l cuało ze morta Pegggy Guggenheim, par vołontà de ła propietaria na volta a ła setimana ła mazor parte de ła carbona ła venjiva verta a maca a'l pùblego che'l podeva cusì far gionda de ła cołesion conpleta de òpare d'arte che łe gera rancuràe. Ła stesa Peggy Guggenheim ła ze sepełìa in un'urna cołogada in canton a'l zardìn privà. thumb|right|250px|L'intràda del muxeo Inte'l 2008 ła ze stada vizitada da 346.862 persone .Touring Club Italiano - Dossier Musei 2009
Inte l'otobre 2012 ła cołesion de'l muzèo ła vien incrementà da ła donasion de ła cubia de miłioneri mericani Hannelore e Rudolph Schulhof, comprendente 83 òpare de i più inportanti artisti contenporanei, tra cui: Alberto Burri, Alexander Calder, Lucio Fontana, Jasper Johns, Donald Judd, Mark Rothko, Claes Oldenburg, Frank Stella, Cy Twombly, Andy Warhol, Sol LeWitt, Anish Kapoorhttp://www.ilsole24ore.com/art/cultura/2012-10-02/donazione-togliere-fiato-144548.shtml?uuid=Abs3ADnG.
Biblioteca
Ła biblioteca de ła Cołesion Peggy Guggenheim, ła nase da'l łaso de ła cołesion privada de Peggy Guggenheim, che ła ze conposta soratuto da catałoghi de mostre che speso i ze autografài da artisti amighiBiblioteca, Archivio e Fototeca - Guggenheim-Venezia.it https://www.guggenheim-venice.it/it/arte/biblioteca-archivio-e-fototeca/. A'l patrimonio culturałe łibrario ła ze in continua espansion grasie a donasion e scanbi, anca da parte de istitusion intarnasionałe. Ła rancura ła se pone come strumento de suporto a'l staf, a i studenti e a i tirosinanti che i vien da tute łe nasion. Ła biblioteca ła ze l'ùnega a'l mondo che ła custodise a'l łibro fato a man "The child with the dust blanket"BiblioVEA, The child with the dust blanket : [fable about the primary art], https://polovea.sebina.it/SebinaOpac/resource/the-child-with-the-dust-blanket-fable-about-the-primary-art/VEA03070448?locale=eng de Filippo Biagioli, che'l conta l'inportansa de l'Arte Tribae, tanto cara a Peggy Guggenheim. El spasio Archivio el tien sirca 5.000 documenti sia in varsion orizenal che in copia, catałogài drento a'l servisio bibliotecario nasionałe. Par zonta A ze prezente anca un fondo fotogràfegoBiblioteca, Archivio, Fototeca - Guggenheim-Venezia.it - https://www.guggenheim-venice.it/it/arte/biblioteca-archivio-e-fototeca/, dove ła Cołesion Peggy Guggenheim ła ga un catałogato dizitałizà de sirca 2.000 ełementi (tra negativi e positivi), prinsipalmente rełativi a ła só fegura de Peggy Guggenheim.
Łe òpare mazori
René Magritte L'impero delle luci, 1954
Pablo Picasso Sulla spiaggia, 1937Scheda dell'opera sul sito del Museo
Vasily Kandinsky Verso l'alto (Empor), 1929
Marcel Duchamp Scatola in una valigia, 1941
Max Ernst La vestizione della sposa, 1939-1940
Umberto Boccioni Materia, 1912-1913
Marc Chagall Pioggia (Chagall), 1911
Salvador Dalì La nascita dei desideri liquidi, 1932
Note
Łigadùre foreste Peggy Guggenheim Museum - Sito ufficiale
Categoria:Muzei de Venesia