John Chester Brooks Morris (d'o suyo nombre artistico Chester Morris), naixito de Nueva York (Nueva York) o 16 de febrero de 1901, y muerto en New Hope (Pennsilvania) o 11 de setiembre de 1970, estió un actor estausunidense, activo en o cine estausunidense dende a segunda metat d'os anyos 1910 dica meyaus d'os anyos 1950.
Encara que mientres a suya carrera cinematografica interpretó muitismos papels en cuantas cintas y que recibió una nominación a l'Oscar a lo Millor Actorm Chester Morris gosa estar conoixiu en estar l'actor que interpretó en varias cintas a Boston Blackie, un personache de ficción creyau por l'autor Jack Boyle, un ladrón de choyas y caixas fuertes que en as adaptacions ta radio y cine se convertió en un detective.
D'entre as suyas interpretacions se puet citar as cintas Alibi (1929, Roland West), The Case of Sergeant Grischa (1930, Herbert Brenon) u Red-Headed Woman (1932, Jack Conway). Dende alavez a suya carrera cinematografica s'estancó, pasando a interpretar papel en cintas de serie B de baixo presupuesto. Dende os anyos 1950 s'adedicó especialment a la radio y la televisión.
Premios L'actor Chester Morris fue nominato a un premio Oscar a o Millor Actor en 1929 por o suyo papel en a pelicula Alibi, de Roland West. O premio estió ta l'actor Warner Baxter.
Filmografía