Iste articlo ye sobre l'actor Mariano Ozores Puchol. Ta lo suyo pai se veiga Mariano Ozores Francés.
Mariano Ozores Puchol, naixiu de Madrit o 5 d'octubre de 1926 y muerto en ixa mesma capital o 21 de mayo de 2025, Muere a los 98 años Mariano Ozores, el director más taquillero del cine español, en La Voz de Galicia, 21 de mayo de 2025. ye un actor, director cinematografico y guionista espanyol con una ampla carrera en o cine espanyol dende os anyos 1950, que fa parte d'una familia vinculada a o cine, en estar fillo d'os actors teatrals Mariano Ozores Francés y Luisa Puchol, chirmán d'os actors José Luis Ozores y Antonio Ozores, y tío con as actrices Adriana Ozores y Emma Ozores. Mientres a suya carrera cinematografica treballó con cuantos actors aragoneses, destacando-ie Paco Martínez Soria en os anyos 1970 u Fernando Esteso (en peliculas a dúo con Andrés Pajares) dende zaguerías d'os anyos 1970 dica primerías d'os anyos 1980, treballando en realidat con cuasi toz os prencipals actors d'o cine espanyol.
D'entre a suya filmografía como director, se puet destacar a suya dirección en cintas como ¡Cómo está el servicio! (1968, con Gracita Morales, José Luis López Vázquez, Irene Gutiérrez Caba, Antonio Ferrandis y José Sacristán), Objetivo Bi-ki-ni (1968, con José Luis López Vázquez, Gracita Morales, Antonio Ozores, Alicia Tomás y Marisol Ayuso), El taxi de los conflictos (1969, con Juanjo Menéndez, Pilar Bayona Sarriá, Sonia Bruno, Armando Calvo, Roberto Camardiel y Alberto Closas), Los bingueros (1969, con Andrés Pajares, Fernando Esteso, Antonio Ozores, Norma Duval y Florinda Chico), El calzonazos (1974, con Paco Martínez Soria, Florinda Chico, Mari Carmen Prendes, María Kosty y Emilio Gutiérrez Caba), El liguero mágico (1980, con Andrés Pajares, Antonio Ozores, Adriana Vega, Adriana Ozores y María Luisa Ponte), Cristóbal Colón, de oficio... descubridor (1982, con Andrés Pajares, Fiorella Faltoyano, María Kosty, Rafaela Aparicio, Ángel de Andrés y Quique Camoiras) u El currante (1983, con Andrés Pajares, Antonio Ozores, María Casanova, Tomás Zori y Beatriz Carvajal).
Referencias
Se veiga tamién Cintas con guión de Mariano Ozores. Cintas dirichidas por Mariano Ozores.
Vinclos externos Mariano Ozores en Internet Movie Database.
Categoría:Actors d'a Comunidat de Madrit Categoría:Directors cinematograficos d'a Comunidat de Madrit Categoría:Guionistas d'a Comunidat de Madrit Categoría:Muertos en Madrit Categoría:Naixius de Madrit Categoría:1926 (naixencias) Categoría:2025 (muertes)