Paolo Alfredo Quinteros, naixiu de Colón (Entre Ríos, Archentina) lo 15 de chinero de 1979, ye un basketbolista archentino hue retirau d'a practica esportiva d'alto livel. Chugaba en a posición d'escolta y o suyo zaguer equipo estió lo Club de Regatas Corrientes de l'LNB d'Archentina.
Trachectoria Quinteros prencipió a suya trachectoria en a Liga Archentina. Mientres as temporadas 97/98 a 99/00 chugó en La Unión de Colón, en as dos siguients dende 00-01 y 01-02 en Estudiantes de Olavarria (LNB). Dimpués d'un parentesi en Uruguai (Club Trouville) a on fació una sobrebuena campanya, chugó con Boca Juniors en as temporadas 03-04 a 05-06.
En 2007 marchó enta Espanya, a on chugó la temporada en Climalia León d'a Liga LEB, con qui logró l'ascenso a l'ACB. En a temporada 07-08 fichó por o CAI Zaragoza d'a Liga LEB, equipo con o que consiguió l'ascenso a l'ACB ixe mesmo anyo. Asinas pues, a siguient temporada chugó en a maxima categoría espanyola con o CAI, l'ACB, baixando una atra vegada a la LEB en rematar a temporada regular. Manimenos, renovó ta l'anyo siguient ta tornar a conseguir l'ascenso, chugando actualment en l'ACB.
Selección nacional Estió un d'os integrants d'a selección masculina de basketbol d'Archentina que ganó a medalla de bronce en os Chuegos Olimpicos de Pekín 2008. Amás ha ganau dos medallas d'archent en os campionatos FIBA d'as Americas (2005 y 2007) y una atra de bronce (2009).
Vinclos externos
Ficha en www.basquete.com.ar. Ficha en o CAI Zaragoza.
Categoría:Basketbolistas d'a Liga ACB Categoría:Basketbolistas d'a selección masculina de basketbol d'Archentina Categoría:Basketbolistas d'Archentina Categoría:Basketbolistas d'Archentina en os Chuegos Olimpicos de 2008 Categoría:Basketbolistas d'o Basket Zaragoza 2002 Categoría:Basketbolistas d'o Club Atlético Boca Juniors Categoría:Basketbolistas d'o Club Baloncesto León Categoría:Basketbolistas d'o Club Trouville Categoría:Basketbolistas de La Unión de Colón Categoría:Basketbolistas de l'Estudiantes de Olavarria Categoría:Medalla de bronce en os Chuegos Olimpicos Categoría:Medallistas olimpicos d'Archentina Categoría:Naixius de Colón (Entre Ríos) Categoría:1979 (naixencias)