Iste articlo tracta sobre l'antigo municipio d'o Elsón. Ta atros articlos que contienen «o Elsón» en ista Biquipedia, se veiga O Elsón (desambigación).
O Elsón (oficialment, en castellano, Olsón «Olsón» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 13 de chulio de 2012.) ye un municipio desapareixiu d'Aragón, en o extremo sud d'o que en l'actualidat ye a comarca de Sobrarbe, en a provincia de Uesca.
Prene o nombre d'o suyo principal nuclio de población, O Elsón, que en fue a capital. Se lo documenta dende a constitución d'os primers achuntamientos modernos en 1834 dica as zaguerías d'os anyos 1960, cuan se fusionó con uns atros 3 municipios ta formar l'achuntamiento d'Alto Sobrarbe.
En l'actualidat, o suyo termin municipal y os nuclios de población que el formaban son integraus en l'extenso municipio de l'Aínsa-Sobrarbe.
Localización O municipio arreplegaba tres nuclios: O Elsón, que exerciba como capital, Chabierre d'o Elsón y Mondot. O termin municipal teneba o río Susía como muga por o norte, con o vecino achuntamiento de Castillón de Sobrarbe, y s'extendillaba por as garras de a sierra de Sant Benedet, en o cuadrant a l'ueste d'a Cinca que se conoix como o Viello Sobrarbe.
Por en sud, l'augua-batient de a sierra marcaba la muga con o municipio de Nabal y con o de Suelves. Por l'este, teneba un limite municipal con o municipio d'Escaniella y Lamata, por a part d'o nuclio de Lamata, y por l'ueste a muga yera con o municipio d'Eripol. En l'actualidat, Suelves y Eripol se troban integraus en o municipio de Barcabo, Lamata y Escaniella en o de l'Abizanda, y os nuclios de Castillón de Sobrarbe en o de l'Aínsa-Sobrarbe.
Historia A fusión d'iste municipio con Arcusa, Sasa de Surta y Santa María de Buil s'ha d'enmarcar en as fusions municipals de finals d'os anyos 1960 y comienzos d'os 1970 en Espanya, una onda de fusions de municipios chicorrons ta formar-ne uns atros nuevos, consecuencia de una reforma en a lechislación d'as Corz franquistas que pasón a desichir que muitos d'os servicios publicos (iluminación publica, residuos, cloacas, pavimentación d'as carreras, etc.) es asumisen os achuntamientos.
O municipio resultant d'ixa fusión, Alto Sobrarbe, subsistió 12 anyos, dica que se tornó a fusionar, ista vegada con l'Aínsa, ta formar o municipio de l'Aínsa-Sobrarbe.
Demografía
Evolución d'a población d'o Elsón dende 1857.
Se veiga tamién Castiello d'o Elsón. Castillón de Sobrarbe (municipio). Chabierre d'o Elsón. Ilesia de Santa Olaria d'o Elsón. Mondot. O Elsón. Prochecto d'entibo en o río Susía. Val d'o Susía. Viello Sobrarbe.
Referencias
Categoría:L'Aínsa-Sobrarbe Categoría:Municipios d'Aragón desapareixius Categoría:Viello Sobrarbe