Pravia ye un concello d'a comunidat autonoma uniprovincial asturiana, situau en a comarca d'Avilés y partiu chudicial de Pravia. A suya capital ye la villa de Pravia, en a parroquia de Pravia.
A suya población ye de 8.995 habitants (2011) en una superficie de 102,96 km², con una densidat de población de 87,36 hab/km².
Luengas y parlas En Pravia se charra l'astur-leyonés. A parla astur-leyonesa de Pravia se clasifica en l'astur-leyonés occidental, a on s'incluye l'asturiano occidental. A parla de Pravia fa part de l'aria A chunto con as parlas de Muros, Candamu y Grau y se caracteriza por lo vocalismo común de l'asturiano occidental y por un consonantismo propio de l'asturiano central: Diftongos decreixients -éi-, -óu- derivaus de los diftongos decreixients latinos -AI- y -AU-: veiga, cantéi, touro, cantóu, Diferents formas de pronunciar os diftongos romances derivaus d'as vocals curtas latinas Ĕ, Ŏ: /ié-ya/ yara/yera, ya/y, /ué-uá-uó/ puablu-pueblu-puoblu. Particularidaz en os plurals: -u-us, -i -is, -a/-as // u-os, -u-es. -a/-es: gatu gatus, fonti/fontis, vaca/ vacas. En bels lugars como Pravia y Cuideiru se da una fuerte tendencia a zarrar as vocals finals en -i y -u. Terminación -oriu u -oria: Cobertoria, taladraoria, casoriu. /ll/ pa los derivaus de /l-, -ll-, pl-, kl-, fl-/: lluna, valle, llave, llover, llama, pero en posición interior, a on se fa -y-: ayalga. /ñ/ pa /-nn-/: cabaña; y frecuencia de /ñ/ inicial: ñarbasu, ñarigón. /ch/ provinient de /kt, ult/: trucha, cuchu, munchu. /y/ provinient de /ly, k'l/: muyer, vieya. Particularidat d'esta aria ye que /-y-/ dezaga de vocal palatal puet desapareixer: ouvea - ouveya, ourea - oureya.
En o plan morfolochico ye remarcable que en bels lugars como Santianes de Pravia bi ha concordancia de sustantivos femenins con adchectivos remataus en -u: La tierra tá ricudíuOlga J. Díaz González: El habla de Candamo. Aspectos morfosintácticos y vocabulario, Universidat d’Oviedo. 1986..
Cheografía Parroquias O concello de Pravia ye dividiu en 15 parroquias: Arangu Cordoveiru Courias Escoréu Folgueras Inclán Muros Pravia Pronga Quinzanas Sandamías Santianes Selgas Villafría Villavaler
Mugas O suyo termin municipal muga a lo norte con Cuideiru y Muros de Nalón, a l'este con Candamu y Sotu'l Barcu, a l'ueste con Cuideiru y Salas y a lo sud con Candamo y Salas.
Demografía
Referencias
Vinclos externos
Pachina web oficial municipal.
Categoría:Localidaz d'Asturias