Brandemburgo (en alemán Brandenburg, en baixo alemán Brannenborg, en baixo sorabo Bramborska) ye un d'os 16 Estaus federaus d'Alemanya. Klaus Michel Miebach: El federalismo en la República Federal de Alemania, Materiales de Trabajo N° 3, p.9, Friedrich Ebert Stiftung, 1997.

Muga a o norte con o estado de Mecklemburgo-Pomerania Occidental, a l'este con o río Oder con Polonia, a o sud con o estau de Saxonia, a l'ueste con o estau de Saxonia-Anhalt. Rodia a o estau de Berlín.

Cheografía Brandemburgo limita con Mecklemburgo-Pomerania Occidental en o norte, Polonia en o este, Saxonia en o sud, Saxonia-Anhalt en o ueste y Baixa Saxonia en o nord-ueste.

Brandemburgo se considera o estau federal mas rico en augua d'Alemanya. I hai mas de 3.000 lacos formaus naturalment, amás de numerosos estanques creyaus artificialment. Amás, i hai mas de 33.000 km de ríos y canals.

O río Oder forma parti d'a buega oriental, o río Elba una parti d'a buega occidental. Os prencipals ríos d'o estau son o Spree y o Havel. En o sud-este, i hai una rechión de chumials clamada Spreewald; ye a parti mas septentrional de Lusacia, an encara viven os sorabos, un pueblo eslau. Istas arias son bilingües, ye decir, s'utilizan tanto l'alemán como que o sorabo.

A causa d'a suya historia en a Edat d'o Chelo, Brandemburgo ye extremadament rica en lacos formaus naturalment. I hai mas de 800 cuerpos d'augua con un aria de mas d'una hectaria. O laco natural mas gran de Brandemburgo ye o Schwielochsee con una superficie de 13,3 km². Le siguen Scharmützelsee (12 km²), Unteruckersee (10,4 km²), Parsteiner See (10 km²), Ruppiner See (8,25 km²), Schwielowsee (7,9 km²), Werbellinsee (7, 8 km²) y Grimnitzsee (7,8 km²). Con cuasi 70 m,o laco mas profundo d'o país y a lo mesmo tiempo o de millor calidat d'augua, ye o Große Stechlinsee.

Clima L'estau de Brandemburgo se troba en l'aria de transición entre o clima oceanico en Europa occidental y o clima continental en l'este. A causa d'as diferencias d'altaria relativament chicotas, as diferencias climaticas dentro d'o país son pro chicotas, pero se pueden sentir en bellas condicions climaticas.

A temperatura meya anyal ronda os 9 °C. O mes mas frío ye chinero con una meya de -1 °C. O mes mas calido ye chulio con una temperatura promeyo de 18 °C. Por lo que fa a la temperatura de l'aire, ya se nota un liuchero augmento d'a continentalidat dende Prignitz en o nord-ueste dica Niederlausitz en o sud-este. Especialment en os meses d'hibierno, cuan i hai poco aire, Lausitz gosa estar muito mas frío que o Prignitz.

Con una precipitación total anyal promeyo de menos de 600 mm, Brandemburgo ye un d'os estaus federals mas ixutos, y talment o menos plevioso. Por lo cheneral, a precipitación meya anyal ye de 550 mm. Solament Prignitz en o nord-ueste y cualques arias altas como que Hohe Fläming y Hohe Barnim aconsiguen u superan a marca de 600 mm por anyo. Una liuchera uembra de plevida se percibe a o este d'as arias altas, por o que Oderbruch ye una d'as rechions mas ixutas d'Alemanya con menos de 500 mm de precipitación anyal.

Si bien l'hibierno y a primavera son comparativament ixutos, as precipitacions en tot o país cayen prencipalment en os meses de verano. Manimenos, tamién pueden producir-se fases ixutas pronunciadas en a estación calida, entre a cual o risgo d'incendios forestals augmenta considerablement en Brandemburgo. En 2018 i habió 512 incendios en as selvas de Brandemburgo (un promeyo d'arredol de 300 incendios forestals a l'anyo), incluius once incendios importants. O sol brila una meya de 1600 horas a l'anyo.

Demografía Evolución demografica 1950 1964 1971 1981 1990 2000 2022 2.746.002 2.620.071 2.667.096 2.667.052 2.602.404 2.589.504 2.534.075

Organización politico-administrativa Subdivisions Brandemburgo se divide en 14 districtos rurals (Landkreise) y cuatre districtos urbans (kreisfreie Städte).

{| class="wikitable" |- | colspan="2" | Districtos || rowspan="3" | 300px|Districtos de Bramdeburgo.

20px Barnim (BAR) 20px Dahme-Spreewald (LDS) 20px Elbe-Elster (EE) 20px Havelland (HVL) 20px Märkisch-Oderland (MOL) 20px Oberhavel (OVH) 20px Oberspreewald-Lausiz (OSL) || <ol start=8> 20px Oder-Spree (LOS) 20px Ostprigniz-Ruppin (OPR) 20px Potsdam-Mittelmark (PM) 20px Prignitz (PR) 20px Spree-Neiße (SPN) 20px Teltow-Fläming (TF) 20px Uckermark (UM) |- | colspan="2" | Ciudaz 20px Ciudat de Brandenburg an der Havel (Brandenburg an der Havel) (BRB) 20px Ciudat de Cottbus (CB) 20px Ciudat de Frankfurt an der Oder (FF) 20px Ciudat de Potsdam(P)

As diez ciudaz mas importants +PuestoNombrePoblación en 2017Area (km²)Densidat 1Potsdam175,710188 km²933.3/km²2Cottbus101,036166 km²610.0/km²3Brandenburg an der Havel71,886230 km²312.9/km²4Frankfurt (Oder)58,237148 km²393.9/km²5Oranienburg43,982164 km²268.7/km²6Falkensee43,55243.3 km²1,007/km²7Eberswalde40,22393.6 km²429.5/km²8Bernau bei Berlin38,194104 km²366.7/km²9Königs Wusterhausen36,70696.0 km²382.2/km²10Fürstenwalde32,09870.7 km²454.1/km²

Lista de ministro-presidents de Brandemburgo Ministro-presidents de Brandemburgo Nombre Partiu politicoLechislatura 1 Karl SteinhoffSED 1946-1949 2 Rudolf JahnSED 1949-1952 Entre 1952 y 1990 l'estau de Brandemburgo estió aboliu 3 Manfred StolpeSPD 1990-2002 4 Matthias PlatzeckSPD 2002-2013 5 Dietmar WoidkeSPD 2013-hue

Cultura Gastronomía A causa que muitas personas en Brandemburgo tienen radices eslavas, a suya cocina ye muit influenziada por os suyos costumbres. Una famosa birolla especial de Brandemburgo son os pepins de Spreewald (Spreewälder Gurken). O goso humido d'o Spreewald fa que a rechión sía ideyal pa cautivar pepins. Atras birollas son o Plinse y o Knieperkohl.

Referencias

Vinclos externos

*