250px|thumb|right|Anvista d'una boca ubierta y d'a orofarinche: 1. Luenga. - 2. Amigdalas palatinas. - 3. Uvula. - 4. Paladar. As amigdalas son acumulacions de teixiu limfoide que se troban en a entrada d'as vías respiratorias y d'o tubo dichestivo. Bi ha unas cuantas clases d'amigdalas: Amigdalas farinchias: en o teito d'a rinofarinche. Amigdalas linguals: en a part posterior d'a luenga. Amigdalas palatinas: entre os musclos palatogloso y palatofarinchio. Amigalas tubaricas: rodeyando o cabo farinchio d'a trompa de Eustaquio.
O conchunto de todas as amigdalas forma o poligono de Waldeyer. Antesmás se creyeba que teneban una important función defensiva y immunitaria, manimenos agora ya no considera asinas.
Denominacions tradicionals O diccionario d'Andolz reculle con o significau d'"amigdala" as denominacions de grandoleta (transmitindo a información d'o diccionario de José Pardo Asso, sin localidat de referencia), y garandoleta en Uesca; tamién reculle garandolas referindo-se a los apendices carnosos que pinchan d'o cuello d'as crabas en o semontano de Uesca.
Manimenos esta denominación no se corresponde de tot con a información mes precisa d'estudios de parlas actuals como l'ansotano. A palabra grandoleta prene en ansotano significaus como viscera d'o bestiar lanar María Pilar Benítez L'Ansotano. Estudio del habla del Valle de Ansó. Gobierno de Aragón, 2001, p 304., bultos d'a tela d'o bodiello Francisco Bejarano: Replega de bocabulario d'Ansó. Revista Fuellas, nº 28, marzo-abril de 1982, pp 13-16, u mesmo cualques autors la han interpretada como "glandula" Pilar Mendiara Ornat, Alicia Pérez Barcos, Josefina Mendiara Gastón, Montse Castán Arnal: Diccionario del dialecto ansotano. Villa de Ansó, 2003. p 51. por pareixiu fonetico. En as Cinco Villas se reculle gorgoleta pa dicir madeixa de bodiello Fernando Romanos Hernando: Al límite. La pervivencia del aragonés en las comarcas del norte de Zaragoza. Diputación de Zaragoza, 2003. p 203..
Atra denominación tradicional ye a de golas (en pluralia tantum), documentada en o diccionario d'Andolz en Aragüés de lo Puerto con o significau d'"amigdalas". Tamién figura en o "Diccionario del dialecto Ansotano" con o significau d'anginas.
Referencias
Vinclos externos
Categoría:Sistema limfatico Categoría:Sistema immunitario