300px|thumb|right|Envista de la depresión de Calatayú y Mont Albán a piet de la sierra de Sant Chust. La depresión de Calatayú y Mont Albán ye un aria topograficament baixa adintro de lo Sistema Iberico y con la mesma dirección NO-SE entre un conchunto de sierras que bi ha a lo nord-este (sierra de la Virchen, sierra de Bicort, sierra Modorra, sierra de Peco, sierra de Cucalón, sierra de Mont Albán, etcetera) y un atro que bi ha a lo sud-ueste (sierra de Pardos, sierra de Santa Cruz, sierra de Lidón, sierra de la Costera, sierra de Sant Chust, etcetera).
Corresponde a una antiga cuenca sedimentaria que se plenó con materials terciarios Eduardo Viñuales Cobos (coordinador): Red natural de Aragón. nº 18, Jiloca Prames, 2007. p 17., y que dimpués de plenar-se fue afectada por procesos de tectonica distensiva (fundimiento de la fuesa de Daroca F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.), y de captura fluvial Prensa Diaria Aragonesa: Los ríos de Aragón. El Río Huerva. El Periódico de Aragón, Diputación General de Aragón, 2005, p 52.
Encara que bel autor s'ha referiu a la depresión de Calatayú y Mont-albán como una fuesa tectonica, no en ye estrictament porque en cualques marguins bi ha contactos estructurals como encabalgamientos, Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 77. diferents a las fallas que se'n podría esperar. En Mont Albán la depresión ye estreita y ye a lo norte d'un encabalgamiento de l'arco Portalrubio-Beceit, (arco que a pesar de lo nombre que en realidat contina dica Vandellós). Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. p 64.
En descripcions cheograficas u cheolochicas locals recibe la denominación de "depresión de Calatayú" u "fuesa de Calatayú" en la part correspondient a la provincia de Zaragoza y "depresión de Mont-albán" u "fuesa de Mont Albán" en la part correspondient a la provincia de Teruel. La part correspondient a la compleganza alta de La Uerba corresponde a la comarca natural de Campo Romanos. Lo sector d'esta depresión en la redolada de Mont Albán ye la fondada de Martín-Cabra. Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002. pp. 58-59.
Referencias
Bibliografía Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.
Se veiga tamién Campo Romanos. Falla de Calamocha. Falla de Daroca. Falla d'Olalia. Fuesa de Daroca. Fuesa de Xiloca. Río Martín. Río de Barrachina. Río Uerba. Sierra de la Virchen. Sierra de Bicort. Sierra de la Costera. Sierra de Lidón. Sierra Modorra. Sierra de Peco. Sierra de Pardos. Sierra de Santa Cruz. Sierra de Sant Chust. Sistema Iberico.
Calatayu y Mont Alban Calatayu y Mont Alban