Iste articlo ye sobre a variedat estándard de l'alemán en Suiza. Ta os dialectos alamanicos en Suiza se veiga l'articlo alemán suizo.
L'alemán estándard suizo (en alemán Schweizerhochdeutsch) fa referencia a la variedat escrita (Schriftdeutsch) u culta (Hochdeutsch) de l'alemán, una d'as cuatre luengas oficials de Suiza, chunto a o francés, o italiano y o rumanche. Diversité des langues et compétences linguistiques en Suisse Ye a variedat de l'alemán estándard que s'emplega en o rechistro escrito en a zona chermanofablant de Suiza. En a suya forma oral no gosa emplegar-se guaire.
No cal confundir a l'alemán estándard suizo con l'alemán suizo, un termín que se emplega ta referir-se a cuantos dialectos diferents de l'alamanico que se fan servir diariament ta comunicar-se en a suiza chermanofona.
L'alemán ye un idioma pluricentrico. En contraste con atras variedaz locals de l'alemán, l'alemán estándard suizo tien caracteristicas distintivas en toz os dominios lingüisticos: no nomás en a fonolochía, sino tamién en o vocabulario, sintaxi, morfolochía y ortografía. Istas caracteristicas de l'alemán estándard suizo se dicen helvetismos.
Diglosia L'uso actual de l'alemán estándard y suizo y d'os dialectos de l'alemán suizo se troban en una situación de diglosia.Ferguson, C. A. (1972) [orig. 1959-60) 'Diglossia', in Giglioli, P. P. (ed.) (1972) Language and Social Context. Harmondsworth: Penguin, pp. 232-51. Ista afirmación ha estau prou debatida debiu a que una situación tipica de diglosia asume que o prestichio d'a variedat estándard ye gran, mientres que en o caso as variedaz informals en ye prou baixo.Barbour, S., and Stevenson, P. (1990) Variation in German. Cambridge: Cambridge University Press, p. 212. En as zonas chermanofablants de Suiza, manimenos, os dialectos de l'alemán suizo no tienen un baixo prestichio, sino que se fan servir por todas as clases socio-economicas d'a sociedat.
Ya que l'aleman estándard suizo ye a luenga habitual d'escritura y os dialectos de l'alemán suizo constituyen a luenga oral habitual, a suya interrelation se puet describir como diglosia mediatica.Barbour, S., and Stevenson, P. (1990) Variation in German. Cambridge: Cambridge University Press, p. 213.
Referencias
Suizo