Bienvenido Mascaray Sin (Campo, 1937) é un mayestro y avogau chubilau aragonés, y investigador particular en llingüistica y historia. Tamén ha espubllicau bels libros de relatos y poesía en la suya llengua materna que é l'aragonés ribagorzano, Gran Enciclopedia Aragonesa online, consultada el 22 de septiembre de 2015. y ha feit y escrito asayo sobre el parlar aragonés de la sub-comarca natural que é la Tierra de Campo.
Va comenzar a treballar de mayestro en el Franquismo y va deixar la profesión cuan se va haber sacau la carrera de Dreito. Dimpués d'ixo, ha treballau sempre en la empresa privada en provincias como Lleida, Zaragoza, Madrit y Navarra.
Fundador y president de l'«Asociación de afectados por el embalse Lorenzo Pardo», que é aman de Campo, é molto conoixiu y bien quiesto en la suya villa natal, y ha estau molto vinculau a l'activismo d'esta part media de Ribagorza. Ha estau miembro, tamén, d'el Consello d'a Fabla Aragonesa, y con la suya editorial (Publicazions d'o Consello d'a Fabla Aragonesa) ha espubllicau bel unas de las suyas obras en aragonés ribagorzano.
En els zaguers anyos, ha espubllicau tamén asayos teoricos sobre la cultura y especialment la llingüistica d'els pueblos ibers de l'Antiguedat y ha defensau la tesis de la suya connexión con l'euskera actual. Ficha de Bienvenido Mascaray como autor, en Xordica.com, consultada el 22 de septiembre de 2015.
Bibliografía
Benas, trallo y fuellas (1984) - Poesía en aragonés. El ribagorzano desde Campo (1994) - Gramatica d'este dialecto aragonés. El misterio de la Ribagorza (2000) - Narrativa. De Ribagorza a Tartessos (2002) - Asayo sobre llingüistica. Baliaride. Toponimia, lengua y cultura ibéricas en Les Illes (2004) - Asayo en la mesma tesi que l'anterior. Vocabulario del habla de Campo (Ribagorza, Huesca) (Xordica, 2013) - Vocabulario aragonés dialectal. Nosotros, los íberos. Volumen I. Editorial Universo de letras, 2019. ISBN 9788417926861 Nosotros, los íberos. Volumen II. Gráficas Editores, 2022. Toponimia altoaragonesa. Serie de 500 capitols que publica en lo Diario del AltoAragón.
Referencias
Categoría:Mayestros d'Aragón Categoría:Avogaus d'Aragón Categoría:Escritors d'Aragón Categoría:Naixius de Campo (Uesca)