O barranco de Bergazo u de Sant Climente ye un barranco d'Aragón, afluent d'o río Forcos, que esnaviesa tot lo suyo curso por l'antigo termin municipal d'Escartín, en o Sobrepuerto, actualment termin municipal de Broto.
O barranco naix en a baixant sud d'o macizo d'a Manchoya, en a redolada d'o que en dicen sarrato de Grixal, un d'os garrotz que a Manchoya tiene por alto d'Escartín y partida de monte a on que os d'Escartín i teneban tierras de cultura. O barranco atraviesa o sendero que une Escartín con Bergua.
Caracterizau por os diferents y succesivos saltos d'augua que tiene, ye un barranco que s'expleita actualment ta barranquismo y a on que se puede fer descensos en rappel. Puede tener estiache y trobar-se seco.
Se veiga tamién
Barranco de la Pera. Barranco de Basarán. Barranco de Grixal. Barranco de la Penya Blanca (Ayerbe de Broto). Barranco de Sanzalbe. Barranco de Sant Pero (Ayerbe de Broto).
Categoría:Afluents d'o río Forcos Categoría:Barrancos d'a provincia de Uesca Categoría:Barrancos de Sobrarbe Categoría:Sobrepuerto