Pedro Santisteve Roche (Zaragoza, Aragón, 28 de mayo de 1958) ye un avogau penalista, activista social, profesor universitario y politico, que se convertió en alcalde de Zaragoza o 13 de chunio de 2015 con os votos d'os concellers de Zaragoza en Común (ZeC), PSOE y Chunta Aragonesista (CHA).heraldo.es consulta 29/11/2015.
Biografía
Santisteve se licenció en Dreito y exerce dende 1984 como avogau penalista. S'ha destacau por a suya critica a lo sistema penitenciario actual y por a defensión d'os dreitos d'as personas engarcholadas. Ye fundador de l'Asociación de Seguimiento y Emparo a Presas y Presos en Aragón (ASAPA), que en 2000 recibió d'a Deputación Cheneral d'Aragón a Medalla a lo Merito Social. Dende lo decenio de 1990, ye profesor en a facultat de Dreito d'a Universidat de Zaragoza.Heraldo.es consulta 29/11/2015
Alcalde de Zaragoza
A dentrada de Santisteve en politica prencipió con o movimiento d'o 15-M. En 2015 resultó ganador d'o proceso de primarias de Ganemos Zaragoza, en o cual participoron mas de 3.700 personas.heraldo.es consulta 29/11/2015 D'iste modo, Santisteve estió o cabeza de lista d'a candidatura d'unidat ciudadana Zaragoza en Común (ZeC), en a cual confluyen movimientos socials, Podemos, Ezquierda Unida, Equo, Puyalón de Cuchas, Piratas d'Aragón, Somos y Demos+.DiagonalDigital consulta 29/11/2015 O programa d'a candidatura yera basau en a transparencia, participación ciudadana y una politica social mas ampla. A candidatura liderada por Santisteve obtuvo, en as eleccions monecipals de 24 de mayo de 2015, 80.040 votos (24,57%) y 9 concellers, estando a segunda fuerza politica, por dezaga d'o Partido Popular , con 10 concellers, y por encima d'o PSOE, con 6 concellers; Ciudadanos, con 4, y CHA con 2.El País.com consulta 29/11/2015
O 13 de chunio de 2015, Pedro Santisteve fue nombrau alcalde de Zaragoza con os votos d'os concellers de Zaragoza en Común (ZeC), PSOE y Chunta Aragonesista (CHA). En o suyo discurso de investidura, Santisteve abanzó que a suya chestión de gubierno tendrá las bases siguients:heraldo.es consulta 29/11/2015 Protección y esfensa d'os dreitos humans y dreitos socials. Aturar os desafidamientos de vivienda. Plan d'Emerchencia Social, que incluiga un mayor parque publico de viviendas, mesuras contra la malnutrición infantil y contra la pobreza enerchetica. Redistribución d'a carga fiscal, a traviés d'una mayor progresividat. Apertura d'os consellos d'administración y d'organos retors de cualsiquier entidat monecipal ta cualsiquier miembro d'a sociedat civil. Mayor transparencia (Auditoría Monecipal Permanent) y presa de decisions por meyo de procesos de participación ciudadana.
Publicacions El asalto al estado social y el derecho a la resistencia, en Acciones e investigaciones sociales, n.º 32, Universidat de Zaragoza, 2012, p. 257-270.
Referencias
Categoría:Alcaldes de Zaragoza Categoría:Alcaldes de Zaragoza en Común Categoría:Alumnos d'a Universidat de Zaragoza Categoría:Avogaus d'Aragón Categoría:Naixius de Zaragoza Categoría:Profesors universitarios d'Aragón Categoría:Profesors d'a Universidat de Zaragoza Categoría:1958 (naixencias)