Os Alpes de Berchtesgaden (en bavaro Berchtsgoana Oipn, en alemán Berchtesgadener Alpen) son un grupo de montanyas d'o Alpes calizos septentrionals, que reciben o suyo nombre d'a ciudat comercial bavara de Berchtesgaden en o suyo centro.
Localización A cordelera ye amugada por o río Saalach a l'ueste y o Salzach a l'este. A suya tuca mas a o norte ye l'Untersberg a o sud de Salzburgo. A parti central d'os Alpes de Berchstesgaden perteneixe a o districto bavaro de Berchtesgadener Land, os extremos septentrional, oriental y meridional fan parti d'o estau de Salzburgo en Austria.
Arredols Monts Salzkammergut a l'este. Tennengebirge a o sud-este. Alpes Slate de Salzburgo a o sud. Alpes de Kitzbühel al sud-ueste. Loferer y Leoganger Steinberge a l'ueste. Alpes de Chiemgau a o nord-ueste.
Monts y lacos O pico mas conoixiu d'os Alpes de Berchtesgaden ye o Watzmann, a tercera montanya en altura d'Alemania con 2.713 msnm. A cordelera comprende tamién a ladera d'Obersalzberg, a l'este de Berchtesgaden, tristament famosa por trobar-se-ie o domicilio d'Adolf Hitler, o Berghof. O suyo corazón ye o Königssee con a famosa iglesia de Sant Bertolomeu, parti d'o Parque Nacional de Berchtesgaden.
Atros picos prencipales incluyen: Hochkalter, 2,607 m. Großer Hundstod, 2,593 m. Funtenseetauern, 2,578 m. Hocheisspitze, 2,523 m. Hoher Göll, 2,522 m. Großes Teufelshorn, 2,361 m. Kahlersberg, 2,350 m. Stadelhorn, 2,286 m.
Reserva d'a biosfera Fa parti d'as reservas d'a biosfera d'a Unesco dende l'anyo 1990. Ye a unica reserva d'a biosfera de caracter alpín d'Alemanya. A reserva s'enampló en l'anyo 2010, y se le dió un nombre nuevo, Berchtesgadener Land Biosphere Reserve en anglés, ye decir "Reserva d'a biosfera de Berchtesgadener Land" incluyindo asinas toda a redolada de Berchtesgaden. Como consecuencia d'a suya amplaria, en a Zona 3 u "Zona de Transición" viven dica 103.000 personas.
Referencias Heinrich Bauregger: Berchtesgadener Land, Rother Wanderführer, Bergverlag Rother München, Bernhard Kühnhauser: Berchtesgadener Alpen, Rother Alpenvereinsführer alpin, Bergverlag Rother München, erscheint im Oktober 08
Vinclos externos
Touren und Gipfel en los Alpes de Berchtesgaden en steinmandl.de Parque nacional de Berchtesgaden Municipio de Berchtesgaden Berchtesgadener Land Berchtesgadener Alps Galería de fotos Alpinklettern in den Berchtesgadener Alpen Mountain Tour in the Berchtesgadener Alps
*