As luengas altochermanicas centrals occidentals u alto alemán central occidental (en alemán Westmitteldeutsche Sprachen) son una subdivisión d'as luengas altochermanicas centrals perteneixients a las luengas altochermanicas. As luengas u dialectos que las forman son mas que mas francicos y comprenden buena parti d'o continuum renano situau a o sud d'a isoglosa marcada por a linia de Benrath, incluyindo as siguients subfamilias: Franco central (Mittelfränkisch) Franco ripuario (Ripuarisch), charrau en Renania d'o Norte-Westfalia (incluyindo o dialecto colonés), por a comunidat chermanofona de Belchica y en un chicot cantón a o sud d'a provincia neerlandesa de Limburgo. Franco moselán (Moselfränkisch) en Renania-Palatinato, Sarre y Francia (francique mosellan) Luxemburgués (Lëtzebuergesch, luxembourgeois) en Luxemburgo, Belchica y Francia (francique luxembourgeois) Franco renano (Rheinfränkisch, francique rhénan) Dialecto palatín (Pfälzisch, francique palatin), charrau en Renania-Palatinato Franco lorenés (Lothringisch, francique lorrain) en a rechión francesa de Lorena Alemán de Bucovina (Bukowinadeutsch) en Bucovina (extinto) Alemán de Pennsilvania (Pennsylvaniadeutsch) en as comunidaz historicas d'America d'o Norte, especialment en Pennsilvania. Hunsrückisch riograndense Hessián (Hessisch) en Hesse y a rechión de Hesse renano en Renania-Palatinato Hessián septentrional (Nordhessisch) Hessián central (Mittelhessisch) Hessián oriental (Osthessisch)
D'atra man a o sud y sud-este d'istas arias lingüisticas existen dialectos u luengas de transición enta l'alto alemán superior. Ista aria de transición entre l'alto alemán central y l'alto alemán superior ye representada por o franco meridional y o franco oriental, dialectos ditos erroniament francicos por charrar-se prencipalment en Franconia.
L'alto alemán central occidental yera charrau en muitos lugars d'America, como por eixemplo en Amana (Iowa).
Se veiga tamién Luengas altochermanicas centrals orientals
Occidentals