Vila Nova de Gaia, clamata popularment como Gaia, ye una ciudat portuguesa que fa parti de l'aria metropolitana conoixita como Gran Porto, d'a cual ye a suyo prencipal nuclio de población chunto con a ciudat de Porto, capital d'a rechión. Con 302.092 habitants en 2009 ye a segunda ciudat mas gran d'o país, nomás por dezaga d'a capital Lisbona.
Se troba en a marchin ezquierda d'o río Duero y ye un municipio dividito en 24 vicos. O lugar muga por o norte con o municipio de Porto, por o nord-este con Gondomar, por o sud con Santa Maria da Feira y Espinho y por l'ueste con l'oceano Atlantico.
Entre os suyos recursos turisticos destacan as suyas plachas d'arena (Granja, Aguda, Miramar, Valadares...) y as bodegas de vín de Porto, ya que ye a redolada an se troban as prencipals.
Freguesias A ciudat ye dividita en 24 freguesías, nombre tradicional en Portugal ta clamar as parroquias en que ye dividito un municipio:
Arcozelo. Avintes. Canelas. Canidelo. Crestuma. Grijó. Gulpilhares. Lever. Madalena. Mafamude. Olival. Oliveira do Douro. Pedroso. Perosinho. Sandim. Santa Marinha. São Félix da Marinha. São Pedro da Afurada. Seixezelo. Sermonde. Serzedo. Valadares. Vilar de Andorinho. Vilar do Paraíso.
Galería d'imáchens
Vinclos externos
Pachina web oficial de Vila Nova de Gaia