La Serranía de Cuenca ye una gran comarca natural de la provincia de Cuenca coincident con la zona montanyosa homonima de lo nord-este d'esta provincia. Ye subdividida en comarcas naturals mes chicas distribuitas en dos comarcas oficials.
Toponimia L'oronimo serranía s'ha feito servir en aragonés medieval pa nombrar unas cuantas comarcas montanyosas como esta. Se fa mención especifica de la Serranía de Cuenca y la zona mugant de lo Reino de Valencia en un texto sobre lo carmelita frai Pero de Tarragona, que en 1382 baixaba dende Castiel Fabib enta Valencia y pasó por Moya, a on que fue acusau de contrabando y li confiscoron las suyas posesions:
Comarcas Dende puntos de vista tradicionals, historicos u cheograficos bi ha diferents denominacions de comarcas adintro de la Serranía de Cuenca y a una escala mes local: Serranía Alta, Serranía Meya, Campichuelo y Serranía Baixa. Oficialment la Diputación Provincial de Cuenca distribuye estas comarcas y los suyos municipios en las comarcas oficials ditas Serranía Alta y Serranía Meya-Campichuelo y Serranía Baixa.
Municipios La comarca de la Serranía de Cuenca ye formada por los municipios de Albaladejo del Cuende, La Parra de las Vegas, Alcalá de la Vega, Algarra, Barchín del Hoyo, Beteta, Buenache de la Sierra, Fresneda de Altarejos, Huérguina, Huélamo, Zarzuela, Cañizares, Fuertescusa, Palomera, Las Majadas, Valdemeca, Sotorribas, La Cierva, Portilla, Villalba de la Sierra, Valdemoro-Sierra, Vega del Codorno, Cañamares, Campillos-Sierra, Huerta del Marquesado, Villaconejos de Trabac, Tejadillos, Poyatos, La Frontera, Arcos de la Sierra, Alcantud, Beamud, Campillos-Paravientos, Víllora , Tragazet , Landet, Talayuelas, Santa Cruz de Moya, Fuentelespino de Moya, Canyet, Salvacanyet ,Campillos-Paravientos ,San Martín de Boniches ,Villar del Humo, Henarejos y Garaballa.
Referencias
Categoría:Comarcas de Cuenca Categoría:Comarcas que mugan con Aragón