Reyal Chardín Botanico de Sydney (en anglés Royal Botanic Garden Sydney) ye un chardín botanico situau en o corazón d'a ciudat de Sydney, Nueva Galas d'o Sud, Australia. Ubierto en 1816, o chardín ye a institución cientifica mas antiga d'Australia y una d'as mas importants institucions botanicas historicas en o mundo. Ye ubierto toz os días de l'anyo y a dentrada ye libre. A suya imponent posición chunto a la badía de Sydney y chunto a o districto d'afers central de Sydney, a Opera de Sydney y a gran zona de parques publicos de The Domain fan que sía una d'as atraccions mas vesitadas de Sydney.
Situación Situau a o sud-este d'a Opera de Sydney Opera y rodiando Farm Cove, os chardins ocupan una superficie de 30 ha y mugan con Cahill Expressway a o sud y l'ueste, Art Gallery Road a l'este y a badía de Sydney a o norte. Sydney's Royal Botanic Gardens. 2012
Coleccions As coleccions vivas en o chardín botanico tiene 9016 taxons de plantas cautivadas. O 20 % d'as coleccions corresponde a la flora australiana, con as siguients familias:
Araceae. Arecaceae. Bromeliaceae. Fabaceae. Myrtaceae. Orchidaceae. Proteaceae. Cactaceae.
Y istos cheneros:
Acacia. Callistemon. Cycas. Eucalyptus. Grevillea. Rhododendron. Begonia.
Cal de destacar as seccions de:
Taxons de Gondwana. Coniferas. Felequeras arborescents. Plantas hebacias perennes.
Istos grupos de plantas han estau trigaus por a suya valura, rareza, diversidat u intrés.
Referencias
Vinclos externos
Pachina oficial
Categoría:Chardins de Sydney